ماڭعىستاۋ وبلىسىنداعى حالقى ەڭ كوپ اۋداندا بۇرىن تولىققاندى اۋرۋحانا بولماعان. ماۋسىم ايىندا اشىلعان جاڭا كوپسالالى اۋرۋحانا التى كورپۋستان تۇرادى. وندا جۇقپالى اۋرۋلار ءبولىمى, بالالار بولىمشەسى, تەراپيا, بوسانۋ بلوگى, زارارسىزداندىرۋ, دياگنوستيكا قىزمەتتەرى, قابىلداۋ ءبولىمى جانە بىرنەشە وپەراتسيالىق بولمە بار. مەديتسينالىق مەكەمە 150 ناۋقاسقا ارنالعان, شتاتىندا 260 مامان جۇمىس ىستەيدى.
دەپۋتاتتار بۇل جوبا حالىققا بەرىلگەن الەۋمەتتىك ۋادەلەردىڭ ءىس جۇزىندە ورىندالعانىنىڭ دالەلى ەكەنىن اتاپ ءوتتى.
«بۇل – 200 مىڭداي تۇرعىننىڭ كوپ جىلعى ءۇمىتىن اقتاعان ماڭىزدى جوبا. ءبىز وسى جوبانى پارتيانىڭ سايلاۋالدى باعدارلاماسىنا ەنگىزدىك جانە ناتيجەسىن كوزىمىزبەن كورىپ وتىرمىز. زاماناۋي وپەراتسيا بولمەلەرى, زەرتحانالارى, قابىلداۋ جانە بوسانۋ بولىمدەرى بار اۋرۋحانا ەندى 50 شاقىرىم قاشىقتا ەمەس, اۋداننىڭ وزىندە تۇر», دەدى ە.جاڭبىرشين.
كەزدەسۋدە دەنساۋلىق ساقتاۋ جۇيەسىن جاڭارتۋ ماسەلەسى دە تالقىلاندى. ءماجىلىستەگى الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆ دارىگەرلەرگە مەديتسينا سالاسىن دامىتۋعا باعىتتالعان شارالار تۋرالى باياندادى.
اۋىلدى جەرلەردەگى دارىگەر تاپشىلىعى – ەڭ وزەكتى ماسەلەلەردىڭ ءبىرى. بيىل ماڭعىستاۋ وبلىسىنىڭ اۋىلدارىنا كوشىپ بارعان 32 دارىگەرگە 100 ەڭ تومەنگى جالاقى مولشەرىندە (شامامەن 9 ميلليون تەڭگە) كوتەرمە تولەم بەرىلگەن. جالپى ەل بويىنشا 700-گە جۋىق مەديتسينا قىزمەتكەرى اۋىلدارعا جۇمىسقا اۋىسقان. بۇل دا «AMANAT» پارتياسىنىڭ سايلاۋالدى باعدارلاماسىندا قاراستىرىلعان.
بۇعان قوسا پرەزيدەنت تاپسىرماسىمەن مەديتسينا قىزمەتكەرلەرىن كاسىبي ساقتاندىرۋ جۇيەسى جۇمىس ىستەيدى. ەءندى دارىگەرلەردىڭ قاتەلىگى سالدارىنانبولعان شىعىندار ماماننىڭ جەكە قاراجاتى ەمەس, بيۋدجەت ەسەبىنەن وتەلەدى. اسحات ايماعامبەتوۆ ءوز سوزىندە ءماجىلىس دەپۋتاتتارى مەن پارتيانىڭ وسىعان ۇقساس وزگە دە ناقتى جەتىستىكتەرىنە توقتالدى.
«ءبىز قورعاعان ەڭ ماڭىزدى نارسە – العاشقى مەديتسينالىق كومەكتى بارىنە قولجەتىمدى ەتۋ. ءمامس جارناسى بولماسا دا ەمحاناعا بارۋعا, نەگىزگى قان تالداۋلارىن تاپسىرۋعا, ەكگ, ۋدز وتۋگە, الەۋمەتتىك ماڭىزدى اۋرۋلار بويىنشا (تۋبەركۋلەز, ايتۆ, ونكو) ەم الۋعا, دارىگەر كەڭەسىن الۋعا قۇقىعى بار. بۇل مىنە, پرەزيدەنتتىڭ تاپسىرماسىنا ساي, ونى قامتاماسىز ەتەتىن ماڭىزدى شەشىم بولدى. سونداي-اق الەۋمەتتىك ماڭىزى بار اۋرۋلاردى ەمدەۋگە ارنالعان ءدارى-دارمەكتەرگە قوسىمشا قۇن سالىعى سالىنبايتىن بولدى. بۇل شەشىم ەڭ قاجەتتى ءدارى-دارمەكتەر باعاسىنىڭ قىمباتتاۋىنىڭ الدىن الادى», دەءدى ا.ايماعامبەتوۆ.
دارىگەرلەر سوڭعى جىلدارى مەملەكەت دەنساۋلىق ساقتاۋ سالاسىنا ەرەكشە كوڭىل بولە باستاعانىن, پارتيا حالىق وتىنىشتەرىن قاراپ, ناقتى وزگەرىستەرگە قول جەتكىزگەنءىن ايتتى. دەگەنمەن كادر تاپشىلىعى, تۇرعىن ءۇي, شالعايداعى اۋىل تۇرعىندارى ءۇشىن لوگيستيكا ماسەلەسى ءالى دە وزەكتى. دارىگەرلەر بۇل تۇيتكىلدەردى جۇيەلى تۇردە شەشۋ, اشىق ديالوگ جۇرگىزۋ جانە بىرلەسىپ ارەكەت ەتۋ ماڭىزدى ەكەنىنە توقتالدى.
كەزدەسۋ بارىسىندا دەپۋتاتتار اۋرۋحانانى ارالاپ, مەديتسينا قىزمەتكەرلەرىنىڭ سۇراقتارىنا جاۋاپ بەرءدى. ولاردىڭ ۇسىنىستارىن تىڭداپ, وزەكتى ماسەلەلەردى اشىق تالقىلادى. ايتىلعان ۇسىنىستاردەپۋتاتتاردىڭ باقىلاۋىنا الىنىپ, جاۋاپتى مينيسترلىكتەرمەن بىرلەسە پىسىقتالادى.
ايتا كەتۋ كەرەك, «AMANAT» پارتياسىنىڭ ماڭعىستاۋ وبلىسى بويىنشا سايلاۋالدى باعدارلاماسى اياسىندا 2027 جىلعا دەيىن 6 دەنساۋلىق ساقتاۋ نىسانىن سالۋ, 10 نىساندى كۇردەلى جوندەۋدەن وتكىزۋ جانە باستاپقى مەديتسينالىق-سانيتارلىق ۇيىمداردى زاماناۋي قۇرالدارمەن 100 پايىز قامتاماسىز ەتۋ جوسپارلانعان.
