سوعىس ارداگەرلەرى كوممۋنالدىق تولەمدەردەن بوساتىلدى

2015 جىلى ۇوس قاتىسۋشى­لارى مەن مۇگەدەكتەرگە, ولارعا تەڭەستىرىلگەن تۇلعالارعا, تىل ەڭ­­بەككەرلەرىنە جانە ۇوس جەڭىس­­كە ۇلەس قوسقان قازاق­ستان رەس­­پۋبليكاسىنىڭ وزگە دە ازامات­تارىنا بىرجولعى ماتەريال­دىق كومەك بەرۋ ءۇشىن رەسپۋب­ليكالىق بيۋدجەتتەن 289,8 ملن. تەڭگە, وبلىستىق بيۋدجەتتەن 200,1 ملن. تەڭگە ءبولىندى. ءاربىر 240 ۇلى وتان سوعى­سىنىڭ ارداگەرلەرى مەن مۇگەدەك­تەرىنە 250 مىڭ تەڭگە, ال تىل ەڭبەككەرلەرىنە جەرگىلىكتى بيۋدجەتتەن 25 مىڭ تەڭگە مولشەرىندە قاراجات بولىنۋدە. اعىمداعى جىلدىڭ 1 ناۋرىزىنان باستاپ وبلىسىمىزداعى ۇلى وتان سوعىسىنا قاتىسۋشى­لار مەن مۇگەدەكتەرىنە جانە تىل ەڭبەككەرلەرىنە جاردەماقى تولەۋ باستالدى. باتىس قازاقستان وبلىسىندا وتكەن جىلدان باستاپ ۇلى وتان سوعىسىنىڭ قاتىسۋشىلارى مەن مۇگەدەكتەرىنە جانە لەنينگرادتا قورشاۋدا, كونتسلاگەردە تۇتقىندا بولعان ادامدارعا اي سايىنعى كوممۋنالدىق شىعىنداردى وتەۋ ءۇشىن اي سايىنعى الەۋمەتتىك كومەكتىڭ كولەمى 5 ايلىق ەسەپتىك كور­سەتكىشكە, ياكي 9910 تەڭگە­­­­­­گە دەيىن ۇلعايتىلدى. بۇل ءوز كەزە­گىندە ارداگەرلەرىمىزگە جىلىتۋ جانە جىلىتۋدى قاجەت ەتپەيتىن مەرزىمدى ەسكەرە وتىرىپ, اي سايىن­عى كوممۋنالدىق قىزمەتتەر تولە­مىنەن بوساتۋعا مۇمكىندىك بەرۋدە. «مەملەكەت باسشىسى نۇر­سۇلتان ءابىش ۇلى نازارباەۆ ءاربىر ارداگەردى, اعا بۋىن وكىلدەرىن ۇمىتپاي, ولارعا قۇرمەت كورسەتۋ – ءبىزدىڭ باستى بورىشىمىز ەكەنىن ءاردايىم باسا ايتىپ كەلەدى. مىنە, سودان بەرى تالاي ۇر­پاق جاڭعىرىپ, زامان جاڭاردى. ۇلى وتان سوعىسى كەزىندەگى ەلدىڭ ­ەل­دىگى مەن ەردىڭ ەرلىگى ەشۋاقىت­تا ۇمى­تىلمايدى. قايتا جىل وتكەن سايىن سول سوعىستاعى ۇلى جەڭىس تۋى جەلبىرەپ, ايبىنى ارتا تۇسەدى», – دەدى وبلىس اكىمى نۇرلان نوعاەۆ. تەمىر قۇسايىن, «ەگەمەن قازاقستان». ورال.