قازاقستان پرەزيدەنتى قاسىم-جومارت توقاەۆ «مەملەكەتتىك باسقارۋ جۇيەسىن جەتىلدىرۋ شارالارى تۋرالى» جارلىققا قول قويدى. قۇجاتقا سايكەس, مەملەكەت باسشىسى كەلەسىدەي شەشىم قابىلدادى:
قازاقستان رەسپۋبليكاسى كونستيتۋتسياسىنىڭ 44-بابى 5) تارماقشاسىنا سايكەس, مەملەكەتتىك باسقارۋ جۇيەسىنىڭ تيىمدىلىگىن جاڭعىرتۋ جانە ارتتىرۋ ماقساتىندا قاۋلى ەتەمىن:
1. قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە قوسۋ ارقىلى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) قايتا ۇيىمداستىرىلسىن.
2. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ۆەدومستۆوسى – قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى (بۇدان ءارى – قىزمەت) قۇرىلسىن.
3. قايتا ۇيىمداستىرىلعان قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) سىبايلاس جەمقورلىققا قارسى ساياساتتى قالىپتاستىرۋ مەن ىسكە اسىرۋ, سىبايلاس جەمقورلىققا قارسى ءىس-قيمىل سالاسىنداعى ۇيلەستىرۋ, سونداي-اق سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى بارىنشا ازايتۋ, سونداي-اق سىبايلاس جەمقورلىققا قارسى مادەنيەتتى قالىپتاستىرۋ جونىندەگى فۋنكتسيالارى مەن وكىلەتتىكتەرى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنە بەرىلسىن.
4. قازاقستان رەسپۋبليكاسى ۇلتتىق قاۋىپسىزدىك كوميتەتى مەن قازاقستان رەسپۋبليكاسى مەملەكەتتىك قىزمەت ىستەرى اگەنتتىگىن بەرىلەتىن فۋنكتسيالار مەن وكىلەتتىكتەرگە سايكەس قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) قۇقىقتارى مەن مىندەتتەمەلەرىنىڭ قۇقىقتىق ميراسقورى بولىپ ايقىندالسىن.
5. «قازاقستان رەسپۋبليكاسى پرەزيدەنتىنىڭ اكىمشىلىگى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2008 جىلعى 11 ناۋرىزداعى № 552 جارلىعىنا مىناداي وزگەرىس ەنگىزىلسىن:
جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ تىزبەسىندە:
«قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت)» دەگەن جول الىپ تاستالسىن.
6. قازاقستان رەسپۋبليكاسى ۇلتتىق قاۋىپسىزدىك كوميتەتى ءبىر اي مەرزىمدە قازاقستان رەسپۋبليكاسى پرەزيدەنتىنىڭ قاراۋىنا:
1) قىزمەت تۋرالى ەرەجەنىڭ جوباسىن;
2) قازاقستان رەسپۋبليكاسىنىڭ ۇكىمەتىمەن جانە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىمەن بىرلەسىپ, قايتا ۇيىمداستىرىلعان قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىكتىڭ (سىبايلاس جەمقورلىققا قارسى قىزمەتتىڭ) بەرىلەتىن فۋنكتسيالارى مەن وكىلەتتىكتەرىنە سايكەس شتات سانىن قايتا ءبولۋ جونىندەگى ۇسىنىستاردى ەنگىزسىن.
7. قازاقستان رەسپۋبليكاسى مەملەكەتتىك قىزمەت ىستەرى اگەنتتىگى ءبىر اي مەرزىمدە قازاقستان رەسپۋبليكاسى پرەزيدەنتىنىڭ قاراۋىنا اگەنتتىك تۋرالى ەرەجەگە وزگەرىستەر مەن تولىقتىرۋلار ەنگىزۋ تۋرالى جارلىق جوباسىن ەنگىزسىن.
8. قازاقستان رەسپۋبليكاسى ۇلتتىق قاۋىپسىزدىك كوميتەتى جانە قازاقستان رەسپۋبليكاسى مەملەكەتتىك قىزمەت ىستەرى اگەنتتىگى ەكى اي مەرزىمدە وسى جارلىقتى ىسكە اسىرۋ جونىندەگى وزگە دە شارالار قابىلداسىن.
9. قازاقستان رەسپۋبليكاسىنىڭ ۇكىمەتى 2025 جىلعى 1 قىركۇيەككە دەيىن وسى جارلىقتان تۋىندايتىن زاڭ جوباسىن ازىرلەسىن جانە قازاقستان رەسپۋبليكاسى پارلامەنتى ءماجىلىسىنىڭ قاراۋىنا ەنگىزسىن.
10. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
11. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
