«تالعات شارىپقاليەۆ – بوكەي ورداسى ءوڭىرىنىڭ تاريحى مەن مادەنيەتىن زەرتتەۋگە ەلەۋلى ۇلەس قوسقان تۇلعا. ونىڭ تاريحي-تانىمدىق ماقالالارى مەن دەرەكتى ماتەريالدارى قازاقستاننىڭ ءتۇرلى مەرزىمدى باسىلىمدارىندا جارىق كورىپ, كوپشىلىك وقىرماننىڭ وڭ باعاسىنا يە بولعان. جاڭا كىتاپتا اۆتوردىڭ رەسپۋبليكالىق جانە وڭىرلىك باسپاسوزدە جاريالانعان ەڭبەكتەرى, سونىمەن قاتار زامانداستارىنىڭ ەستەلىكتەرى توپتاستىرىلعان» دەيدى وسى كىتاپتىڭ جارىق كورۋىنە ەڭبەك سىڭىرگەن ولكەتانۋشى ايبولات قۇرىمباەۆ.
اۋعان سوعىسىنىڭ ارداگەرى تالعات شارىپقاليەۆ ومىردەن ەرتە كەتتى. بىراق وسى قىسقا عۇمىرىندا ولكەتانۋشى ءوزىنىڭ تۋعان جەرى بوكەي ورداسىنىڭ تەرەڭ تاريحىن بارىنشا زەرتتەپ, كوپتەگەن ماقالا جازعان ەكەن. بىراق وسى كەزگە دەيىن كىتاپ بولىپ شىقپاعان ەدى. جاڭا جيناققا عالىمنىڭ 70-كە جۋىق ماقالاسى ەنگەن. مۇندا بوكەي ورداسىنىڭ تاريحى, ونىڭ تۇلعالارى, مادەنيەتى جانە قۇقىقتىق جۇيەسىنىڭ قالىپتاسۋى جايلى قۇندى دەرەكتەر قامتىلعان.
ءىس-شاراعا الماتى قالاسىنان مارقۇمنىڭ جارى نۇرجامال ەسەەۆا مەن ۇلى, زيالى قاۋىم وكىلدەرى, ولكەتانۋشىلار, تىلشىلەر مەن وقىرماندار قاتىستى.
باتىس قازاقستان وبلىسى
