بەلگىلى كينورەجيسسەر ەلدار ريازانوۆتىڭ جۇرەگىنە وتا جاسالدى

استانا. 4 تامىز. ماسكەۋدە كەڭەستىك-رەسەيلىك بەلگىلى كينورەجيسسەر ەلدار ريازانوۆتىڭ جۇرەگىنە وتا جاسالدى. بۇل تۋرالى تاسس-قا سىلتەمە جاسالعان ras.kz حابارلادى. شىلدە ايىنىڭ سوڭىندا بەلگىلى كينورەجيسسەر اۋا جەتپەي, جۇرەگى شانشىپ اۋىرا باستاعانىن سەزىنىپتى. سوسىن ونىڭ وتباسى مۇشەلەرى ريازانوۆتى ماسكەۋدىڭ كارديو-ورتالىعىنا جاتقىزىپ, جوسپارلى ەمدەتۋدى ءجون كورىپتى. ال تەكسەرۋدىڭ ناتيجەسىندە ونىڭ جۇرەگىنە وپەراتسيا جاساۋعا شەشىم قابىلدانادى. «جۇرەگى شانشىپ, اۋا جەتپەيتىنىنە شاعىمدانعان ەلدار ريازانوۆتى وتباسى تەكسەرۋدەن وتكىزۋ ءۇشىن ورتالىققا الىپ كەلدى. دارىگەرلەر جۇرەكتىڭ جۇمىسى مەن كورونوگرافياسىنا تاۋلىكتىك مونيتورينگ جاسادى. قورىتىندىدا جۇرەكتىڭ كورونارلىق قان تامىرلارىنىڭ تارىلىپ كەتكەنى انىقتالدى. سوندىقتان شۇعىل تۇردە وعان ستەند ورناتۋعا تۋرا كەلدى», – دەپ حابارلادى مانبە اگەنتتىككە. مانبەنىڭ ايتۋىنشا, 87 جاستاعى پاتسيەنت قازىر جانساقتاۋ بولىمىندە جاتىر. ونىڭ دەنساۋلىق جاعدايىنا جاسالعان بولجام جاقسى, جاقىن كۇندەردە پالاتاعا شىعارىلادى. تالعات رايىمبەك. دەرەك, سۋرەت: ras.kz.