قىزىلوردا وبلىسى سالىق تۇسىمىنەن ءبىرىنشى ورىندا

قىزىلوردا. 4 تامىز. قىزىلوردا وبلىسى اكىمدىگىندە ءبىرىنشى جارتىجىلدىقتىڭ قورىتىندىسى بويىنشا كەڭەيتىلگەن ءماجىلىس ءوتتى. بۇل تۋرالى egemen.kz ءتىلشىسى حابارلادى. التى ايدى قورىتىندىلاعان وبلىس اكىمى قىرىمبەك كوشەرباەۆ قازىرگى ەكونوميكالىق جاعدايعا قاراماستان وبلىستا الەۋمەتتىك-ەكونوميكالىق دامۋدىڭ نەگىزگى سالالارى بويىنشا كورسەتكىشتەر جاقسى ەكەنىن ايتتى. مىسالى, وبلىستا تۇتىنۋشى باعالار يندەكسى ورتاشا رەسپۋبليكالىق دەڭگەيدەن تومەن, تۇرعىنداردى جۇمىسپەن قامتۋ بويىنشا جاعداي تۇراقتى, ال سالىق ءتۇسىمى بويىنشا وبلىس باسقا وڭىرلەر اراسىندا ءبىرىنشى ورىندا. سونداي-اق, جىل سوڭىنا دەيىن 1800 پاتەر پايدالانۋعا بەرىلەدى دەپ جوسپارلانۋدا. سونىمەن قاتار, وبلىستىڭ جارتىجىلدىق دامۋ قورىتىندىسى بويىنشا وبلىس اكىمىنىڭ ورىنباسارلارى ناتاليا گودۋنوۆا مەن سەرىك قوجانيازوۆ جانە بىرقاتار مەملەكەتتىك ورگان باسشىلارى بايانداما جاسادى. ايماق باسشىسى وبلىس ەكونوميكاسىن نىعايتۋ جانە الەۋمەتتىك-ەكونوميكالىق دامۋ كورسەتكىشتەرىن جاقسارتۋ بويىنشا جاۋاپتى باسشىلارعا بىرقاتار تاپسىرمالار بەردى. ەرجان بايتىلەس. دەرەك: egemen.kz. سۋرەت: قازاقپارات.