قوستاناي قالاسى اكىمىنىڭ تاعى ءبىر ورىنباسارى ۇستالدى

قوستاناي. 04 شىلدە. قازاقستان رەسپۋبليكاسى مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگى قوستاناي وبلىستىق دەپارتامەنتىنىڭ جەدەل تەرگەۋ توبى قالا اكىمىنىڭ تاعى ءبىر ورىنباسارى اراكەليان فرۋنزيكتى ۇستادى. بۇل تۋرالى tobolinfo.kz سايتىنا سىلتەمە جاساعان egemen.kz ءتىلشىسى حابارلادى. سىبايلاس جەمقورلىققا قاتىسى بار دەگەن كۇدىكپەن اراكەليانا فرۋنزيكتى جەدەل توپ قىزمەتكەرلەرى كۇندىز جۇمىس كەزىندە ۇستادى. ونىڭ كابينەتىنە ءتىنتۋ جۇرگىزىلدى. سونىمەن قاتار قالالىق اكىمشىلىكتىڭ بىرقاتار قىزمەتكەرلەرىنەن جاۋاپ الىندى. بۇل تەرگەۋ جۇمىستارى وسىنىڭ الدىندا ءۇش كۇن بۇرىن ۇستالعان قالا اكىمىنىڭ ورىنباسارى ماقسۇت قاليەۆ پەن «سىل» جشك-ءنىڭ ديرەكتورى گاگيك وۆنانياننىڭ ۇستىنەن قوزعالعان قىلمىستىق ىسكە بايلانىستى جۇرگىزىلدى. قوزعالعان قىلمىستىق ىستەر بابىنا سايكەس قالا اكىمىنىڭ ورىنباسارلارى ماقسۇت قاليەۆ پەن اراكەليان فرۋنزيكتى 7-دەن 12 جىلعا دەيىن باس بوستاندىعىنان ايىرىلۋ نەمەسە العان پاراعا 70 ەسە كولەمدە ايىپپۇل تولەۋ جازاسى كۇتىپ تۇر. ولاردىڭ مۇلكى تاركىلەنىپ, مەملەكەتتىك قىزمەتتەن ءبىرجولاتا الاستاتۋ دا جازا قۇرامىنا كىرەدى. ال پارا بەرگەن وۆنانيان گاگيك بەس جىلعا باس بوستاندىعىنان ايىرىلۋى نەمەسە بەرگەن پاراسىنا 30 ەسە كوپ ايىپپۇل تولەۋى مۇمكىن. قوستاناي قالاسىنىڭ اكىمى احمەدبەك احمەتجانوۆ وتستاۆكاعا كەتۋى ابدەن ىقتيمال. ءنازيرا جارىمبەتوۆا دەرەك, سۋرەت: tobolinfo.kz.