ال بۇگىن سينحۋا اگەنتتىگى اعىلشىنشا باسىلىمىندا مىناداي اقپاراتتى جاريالادى.
استانا, 22 ماۋسىم (سينحۋا) – جەكسەنبى كۇنى استانادا «سينحۋا» اقپارات اگەنتتىگىنىڭ پرەزيدەنتى فۋ حۋا قازاقستان رەسپۋبليكاسى پرەزيدەنتىنىڭ كومەكشىسى ارمان قىرىقباەۆپەن ىنتىماقتاستىق تۋرالى كەلىسىم الماستى.
«كەلىسىمگە سايكەس, «سينحۋا» اگەنتتىگىنىڭ جاڭا مەديا ورتالىعى قازاقستان رەسپۋبليكاسى پرەزيدەنتىنىڭ قاراماعىنداعى ورتالىق كوممۋنيكاتسيالار قىزمەتىنە جاڭا مەديا مەن تەحنولوگيالار بويىنشا قولداۋ كورسەتەدى.
سونداي-اق قىتاي-قازاقستان الماسۋ جانە ىنتىماقتاستىق ورتالىعىن سالۋ مەن ونىڭ جۇمىس ىستەۋىنە, سونداي-اق قازاقستانداعى ءىرى دەرەكتەر مەن ەسەپتەۋ ورتالىقتارىن دامىتۋعا ارنالعان ساراپتامالىق (think tank) كەڭەس بەرۋ قىزمەتتەرىن ۇسىنادى. ەكى تاراپ كادرلارمەن الماسۋ جانە وقىتۋ سالاسىندا دا ىنتىماقتاساتىن بولادى.
قازاقستان تاراپى بۇل الماسۋ جانە ىنتىماقتاستىق ورتالىعى مادەني يننوۆاتسيالار, ۆاليۋتا ەسەپ ايىرىسۋى, ساۋدانى جەڭىلدەتۋ, ترانسشەكارالىق زياتكەرلىك مەنشىك وپەراتسيالارى, سونداي-اق تالانتتارمەن الماسۋ مەن ولاردى دامىتۋ سياقتى سالالاردا قولداۋ كورسەتەدى دەپ ۇمىتتەنەدى».
