«ەلىمىزدەگى شيكىزات ءوندىرۋشى ەڭ ۇلكەن كومپانيانىڭ ءبىرى «تەڭىزشەۆرويلدىڭ» ارىپتەستىك بايلانىس ورناتۋ نيەتىمەن شىمكەنتكە ارنايى كەلۋى – قۋانتارلىق جاعداي. وسى ءساتتى پايدالانىپ مۇناي ءوندىرۋشى كومپانياعا مەگاپوليستىڭ كاسىپكەرلىك سالاسىنداعى بار الەۋەتىن كورسەتۋگە تىرىسامىز. ءبىرىنشى كەزەكتە جەرگىلىكتى تاۋار وندىرۋشىلەردىڭ كورمەسىن ۇيىمداستىردىق. وعان قالامىزداعى 20-عا جۋىق ءىرى كاسىپورىن قاتىسىپ, ونىمدەرىن قوناقتار نازارىنا ۇسىندى. «تەڭىزشەۆرويل» باسشىلىعى جەرگىلىكتى تاۋار وندىرۋشىلەردىڭ ونىمدەرىمەن جەكە-جەكە تانىسىپ شىقتى. وزدەرىن قىزىقتىرعان كەيبىر تاۋار ءتۇرى بويىنشا كاسىپورىن باسشىلىعىمەن ارنايى سۇحبات جۇرگىزدى. جالپى, تشو دەلەگاتسياسىنىڭ شىمكەنتكە جاساعان ساپارى 3 كۇنگە سوزىلىپ, ءتيىمدى ساۋدا-ەكونوميكالىق ۋاعدالاستىققا قول جەتكىزدىك», دەيدى شىمكەنت قالالىق كاسىپكەرلەر پالاتاسى ديرەكتورىنىڭ ورىنباسارى باۋىرجان بەرداليەۆ.
ساپار بارىسىندا مۇناي ءوندىرۋشى كومپانيا وكىلدەرى گيدراۆليكالىق جانە سۋاستى سورعىلارىن وندىرەتىن «Karlskrona LC AB», 25-500 مۆا قۋاتتىلىعىنداعى ترانسفورماتورلار شىعاراتىن «Asia Trafo», ەلەكتر قۇرىلعىلارىن ءوندىرۋشى «Renaissance SHIK», مايلاۋ ماتەريالدارىن شىعاراتىن «HILL Corporation», مال بورداقىلاپ, ەت وڭدەۋمەن اينالىساتىن «Baiterek Agro» كاسىپورىندارىن ارالاپ جۇمىستارىمەن تانىستى.
بۇل كاسىپورىنداردىڭ بارلىعى جوعارى تەحنولوگيالى ءونىم شىعارادى. ونىمدەرى ىشكى نارىقتان بولەك, الىس-جاقىن شەتەل نارىعىنا دا ەكسپورتتالىپ جاتىر. ماسەلەن, «Karlskrona LC AB» كاسىپورنى ءتۇرلى كولەمدەگى سورعىلار شىعارۋمەن تانىمال. اسىرەسە ونىڭ ونىمدەرى مۇناي سالاسىندا, ۋران باسقا دا قازبا بايلىقتار شيكىزاتى وندىرىسىندە كەڭىنەن پايدالانىلىپ ءجۇر.
قۋاتتىلىعى 25-500 مۆا-عا تەڭ ترانسفورماتور وندىرەتىن «Asia Trafo» ءوندىرىس ورنىن دا مەگاپوليستەگى ەڭ ءىرى كاسىپورىنداردىڭ قاتارىنا جاتقىزۋعا بولادى. ەلدەگى جوعارى كەرنەۋلى ترانسفورماتورلاردى تەك وسى كاسىپورىن شىعارادى. ترانسفورماتورعا كەرەكتى كوپتەگەن بولشەكتى دە وزدەرى جاسايتىندىقتان ناعىز وتاندىق ءونىم شىعاراتىن ءوندىرىس دەۋگە تولىق نەگىز بار.
قالالىق اكىمدىك پەن «مۇناي-گاز ماشينا جاساۋ سالاسىن دامىتۋعا ارنالعان حالىقارالىق ورتالىق» قاۋىمداستىعى اراسىندا ىنتىماقتاستىق تۋرالى مەموراندۋم جاسالدى. «HILL Corporation» كومپانياسى مەن «تەڭىزشەۆرويل» جشس اراسىندا تاۋار جەتكىزۋگە قاتىستى كەلىسىمشارت بەكىتىلدى. سونىمەن بىرگە جەرگىلىكتى تاۋار وندىرۋشىلەر «بارىس-2007», «Baiterek Agro», «Intermilk Kazakhstan» كاسىپورىندارى مەن «Eurasia Support Services» كومپانياسى اراسىندا ازىق-ت ۇلىك ونىمدەرىن جەتكىزۋ سالاسىنداعى ءوزارا تۇسىنىستىك تۋرالى مەموراندۋمدار ءتۇزىلدى.
قورىتا ايتقاندا, «تەڭىزشەۆرويل» وزدەرىنە قاجەتتى ازىق-ت ۇلىك پەن تەحنيكالىق دايىن ونىمدەردى شىمكەنتتەن تاسىمالدايمىز دەپ شەشتى.
شىمكەنت
