پاۆلودار. 22 ماۋسىم. وبلىس ورتالىعىنا قاراستى شاۋكەن-پاۆلودارسكوە اۋىلىندا دارىگەرلىك امبۋلاتوريا «دەنساۋلىق ساقتاۋ سالاسىنىڭ 350 نىسانى» مەملەكەتتىك باعدارلاماسى اياسىندا بوي كوتەردى. بۇل تۋرالى egemen.kz ءتىلشىسى حابارلادى.
ول حالىققا العاشقى سانيتارلىق-مەديتسينالىق كومەك كورسەتۋگە ارنالعان. اۋىلدا 6 مىڭنان استام تۇرعىن بار. بولىمشە قالالىق №3 ەمحاناعا قارايدى. امبۋلاتوريادا 13 دارىگەر قىزمەت كورسەتەدى. كۇندىزگى ستاتسيونار كابينەتتەرى تۇرعىندار قابىلدايدى. وبلىس اكىمدىگىنىڭ مالىمەتىنشە, امبۋلاتوريانىڭ قۇرىلىسى مەن قۇرال-جابدىقتارمەن قامتاماسىز ەتۋگە جەرگىلىكتى بيۋدجەتتەن 147 ميلليون تەڭگە ءبولىندى.
بيىل وبلىستىق بيۋدجەتتە دەنساۋلىق ساقتاۋ سالاسىن قارجىلاندىرۋعا 35 ملرد. تەڭگە قاراستىرىلىپتى. بۇعان كراسنوارمەيكا, چەرنورەتسك, ميچۋرين, شارباقتى اۋدانى حمەلنيتسكي, اقتوعاي اۋدانىنىڭ قوجامجار, اقسۋدىڭ جولقۇدىق اۋىلدارىندا دارىگەرلىك بولىمشەلەر قۇرىلىسى جۇرگىزىلۋدە.
فاريدا بىقاي.
دەرەك, سۋرەت: egemen.kz
