اتىراۋدا جالعان كاسىپورىندار 380 ملن. تەڭگە سالىقتان جالتارعان

اتىراۋ. 4 تامىز. اتىراۋ وبلىسىندا زاڭسىز پايدا تابۋ ماقساتىمەن قۇرىلعان جالعان كاسىپورىندار بيۋدجەتكە 380 ميلليون تەڭگەنىڭ سالىعىن تولەۋدەن جالتارىپ كەلىپتى. بۇل تۋرالى وبلىستىق پروكۋراتۋرا حابارلادى. پروكۋراتۋرا ورگاندارىنىڭ قىزمەتكەرلەرى بيۋدجەتكە ءتۇسۋى ءتيىس سالىقتى تولەۋدەن جالتارعان جالعان كاسىپورىنداردىڭ بار ەكەنىن انىقتادى. تەكسەرۋ بارىسىندا انىقتالعان جالعان كاسىپورىنداردىڭ تىركەلۋىن زاڭسىز دەپ تانۋ تۋرالى سوت ورگاندارىنا تالاپ-ارىز جولداندى. قازىرگە دەيىن سوت شەشىمىمەن وسىنداي 14 تالاپ-ارىز قاناعاتتاندىرىلدى. اتىراۋ وبلىستىق پروكۋراتۋراسى باسقارما باسشىسىنىڭ مىندەتىن اتقارۋشى تەمىربەك ءدارجانوۆتىڭ ءمالىم ەتكەنىندەي, سوت «ماراباەۆا ت» جەكە كاسىپكەرلىگىنىڭ, «جاڭابىل», «شىلاق-ەليتسەرۆيس» جانە «رومەدا–سترويپروەكت» سەرىكتەستىكتەرىنىڭ قىزمەتتەرىن توقتاتۋعا شەشىم شىعاردى. ويتكەنى, بۇلاردىڭ 380 ميلليون تەڭگە كولەمىندەگى سالىقتى تولەۋدەن جالتارىپ كەلگەنى دالەلدەنىپ وتىر. جولداسبەك شوپەعۇل. دەرەك: اتىراۋ وبلىستىق پروكۋراتۋراسى. سۋرەت: palata.otgroup.kz.