اقتىق سايىسقا ىرىكتەلىپ شىققان 350 بالا حورەوگرافيا, ۆوكال, اسپاپتىق جانر, ءداستۇرلى ءان جانە الەۋمەتتىك بەينە اتالىمدارى بويىنشا سىنعا ءتۇستى. دارىندى بالالاردىڭ ونەر جولىنداعى قادامدارىنا سەرپىن بەرەتىن جوبانى «كاسپي قۇبىر كونسورتسيۋمى-ق» اق ۇيىمداستىردى. گران-پري يەگەرلەرى ماسكەۋ قالاسىندا وتەتىن اقتىق سايىسقا جولداما الدى.
ءۇش بالاسىنا قوسا 25 جەتىم بالانى باۋىرىنا باسقان ءومىرحان جەتەسوۆ پەن امانگۇل ەشپانوۆا بىرنەشە جىل بۇرىن «شاشۋ» وتباسىلىق ءانسامبلىن قۇرىپ, قازاقتىڭ ءداستۇرلى ءان-كۇيىن ناسيحاتتاۋمەن اينالىسا باستاعان ەدى. بۇگىندە ولاردىڭ جەتى بالاسى – استاناداعى جوعارى وقۋ ورىندارىنىڭ ستۋدەنتتەرى.
ەر جەتىپ, ازامات بولا باستاعان ۇلكەندەرىمىز كىشىلەرىنە ۇلگى بولىپ ءجۇر. قۋاناتىنىمىز, باۋىرىمىزعا باسقان 25 جەتىم بالانىڭ 23-ءى قازاقتىڭ ۇلتتىق اسپاپتارىندا ويناپ, كۇي شەرتىپ, ءان سالادى, تەرمە ايتادى. ءوزىمىز ءداستۇرلى ونەردە جۇرگەن سوڭ بالالارىمىزدى دا وسى باعىتتا تاربيەلەدىك. ءان مەن كۇيدى سۇيەتىن بالالار وسىرگەنىمىزگە اناسى ەكەۋمىز قۋانامىز. بۇل توككەن تەر مەن قاجىرلى ەڭبەكتىڭ ناتيجەسى. ونەردە جۇرگەن بالا ەشقاشان دا تەنتەك بولمايدى», دەيدى كوپبالالى اكە ءومىرحان جەتەسوۆ.
اقتوبە وبلىسى
