مونيتورينگ بارىسىندا مۇنداي نىسانداردا زاڭسىز ساۋدا جۇرگىزىلگەنى, حالىق كوپ جينالاتىن ساۋدا ورىندارىنداعى اۆتوتۇراق نىساندارىندا ادام ومىرىنە قاۋىپ توندىرەتىن گاز باللوندارىنىڭ بولعانى انىقتالدى. ال بۇل كولىك تۇراعى كەڭىستىگىن پايدالانۋ شارتىنا قايشى.
مامانداندىرىلعان اۋدانارالىق ەكونوميكالىق سوتتىڭ شەشىمى نەگىزىندە «ادەم» ساۋدا ورتالىعىنىڭ الدىنداعى اۆتوتۇراقتا ورنالاسقان 30 زاڭسىز قۇرىلىم بۇزىلدى. سونداي-اق, سوت «ياليان» ساۋدا ورتالىعىندا وسىعان ۇقساس 37 ساۋدا نۇكتەسىن الىپ تاستاۋ تۋرالى قاۋلى شىعاردى. سوت ورىنداۋشىلارى شەشىمنىڭ نەگىزىندە نىساندى بۇزۋ جۇمىستارىن باستاعان. «الماتى پاركينگ» كمك مۇنداي شارالار تۇراق ايماقتارىن زاڭسىز سالىنعان نىسانداردان ارىلتىپ, قاۋىپسىزدىكتى كۇشەيتەتىنىن ءارى اۆتوتۇراق كەڭىستىگىن رەتكە كەلتىرەتىنىن ءتۇسىندىردى.
اۆتوتۇراقتارداعى زاڭسىز ساۋدا نىساندارىن انىقتاۋ مەن جويۋ جۇمىستارى جالعاسا بەرمەك. جاۋاپتى ماماندار تۇرعىندار مەن بيزنەس وكىلدەرىن اۆتوتۇراقتاردى پايدالانۋ ەرەجەسىن قاتاڭ ساقتاۋعا شاقىردى.
