اشىلۋ راسىمىنە قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى تيمۋر مۇراتوۆ, اۋدان اكىمى ەلدوس احمەتوۆ, ونىڭ ورىنباسارى جانار قاناتقىزى, اۋداندىق ورتالىق اۋرۋحانانىڭ ديرەكتورى ساۋلە رىسپەكوۆنا, «AMANAT» پارتياسى ەسكەلدى اۋداندىق فيليالىنىڭ توراعاسى ميراس سەرىك ۇلى جانە اۋىل تۇرعىندارى قاتىستى.
زاماناۋي تالاپتارعا ساي جابدىقتالعان بۇل امبۋلاتوريا كۇنىنە 25-30 ادامعا دەيىن قابىلداۋعا قاۋقارلى. ەندى شۇعىل جانە جوسپارلى مەديتسينالىق قىزمەت الۋ ءۇشىن الىسقا سابىلۋدىڭ قاجەتى جوق — بىلىكتى دارىگەرلەر اۋىلدىڭ وزىندە قىزمەت كورسەتەدى.
اۋىل تۇرعىندارى ءۇشىن بۇل – جاي عانا عيمارات ەمەس, ءۇمىت پەن قامقورلىقتىڭ سيمۆولى. دەنساۋلىق ساقتاۋ سالاسىنداعى مۇنداي وڭ وزگەرىستەر حالىقتىڭ ءال-اۋقاتىن ارتتىرىپ, اۋىل ومىرىنە تىڭ سەرپىن بەرەتىنى ءسوزسىز.
