اتىراۋدا 80,5 ملن. تەڭگەنىڭ جالاقى قارىزى وتەلدى

اتىراۋ. 4 تامىز. اتىراۋ وبلىسىندا پروكۋراتۋرا قىزمەتكەرلەرى ءبىرىنشى جارتىجىلدىقتا 80,5 ميلليون تەڭگەنى قۇراعان جالاقى قارىزىنىڭ وتەلۋىنە ىقپال ەتتى. بۇل تۋرالى وبلىستىق پروكۋراتۋرا دەرەگىنە سۇيەنگەن egemen.kz ءتىلشىسى حابارلادى. وبلىستىق پروكۋراتۋرا ورگاندارىنا جىل باسىنان بەرى زاڭسىزدىقتار مەن كەدەرگىلەرگە تاپ بولعان جەكە جانە زاڭدى تۇلعالاردان 3000-نان استام شاعىم ءتۇسىپتى. تالداۋ كورسەتكەندەي, شاعىمنىڭ دەنى ەڭبەك, تۇرعىن ءۇي جانە جەر زاڭنامالارىنىڭ ءجيى بۇزىلاتىندىعى بايقالىپ وتىر. سونىڭ ىشىندە جۇمىسشىلارعا ماڭداي تەرىمەن تاپقان جالاقىسىن ۋاقىتىلى تولەمەۋگە بايلانىستى شاعىمدار دا بار. «قاداعالاۋ اكتىلەرىمەن «كاسپي بالىق» شارۋا قوجالىعى مەن «سوۋت-ۆەست گرۋپپ كورپورەيشن», «گيۋرال ويل» سەرىكتەستىكتەرى جۇمىسشىلارىنا جالاقىنى ۋاقىتىندا تولەنبەي كەلگەنى انىقتالدى. سول سەبەپتەن اتالعان ۇجىمداردا ەڭبەك ەتەتىن 360 جۇمىسشىعا تولەنۋى ءتيىس جالاقى قارىزى 80,5 ميلليون تەڭگەگە جەتكەن. پروكۋراتۋرا ورگاندارىنىڭ ىقپال ەتۋىمەن اتالعان سوماداعى جالاقى قارىزى تولىعىمەن وتەلدى», – دەدى وبلىستىق پروكۋراتۋرا باسقارما باستىعىنىڭ مىندەتىن اتقارۋشى تەمىربەك ءدارجانوۆ. جولداسبەك شوپەعۇل. دەرەك: اتىراۋ وبلىستىق پروكۋراتۋراسى. سۋرەت: tengrinews.kz.