سونىڭ ىشىندە پەتروپاۆلدىڭ 25 جاستاعى تۇرعىنىنا الاياقتار WhatsApp ارقىلى حابارلاسىپ, وزدەرىن «قازپوشتا» قىزمەتكەرىمىز دەپ تانىستىرىپ, سالەمدەمە جەتكىزىلۋىن راستاۋ ءۇشىن كەلگەن SMS-كودتى ايتۋىن سۇراعان. وسى كودتى العان سوڭ «بانك قىزمەتكەرىمىز» دەپ, ونىڭ اتىنا نەسيە رەسىمدەلىپ جاتقانىن ايتىپ شوشىتىپ, بىرنەشە بانكتىڭ قوسىمشالارىن جۇكتەۋگە جانە ونلاين نەسيە رەسىمدەۋگە كوندىرگەن.
ناتيجەسىندە الاياقتاردىڭ شوتىنا جىگىتتىڭ 2,4 ملن تەڭگەسى اۋدارىلعان. ال ايىرتاۋ اۋدانىنىڭ 69 جاستاعى تۇرعىنىنان وزدەرى جىبەرگەن كودتى قايتالاتقان سوڭ «ۆيرۋسقا قارسى باعدارلاما» دەگەن قوسىمشانى جۇكتەتىپ, ەسەپشوتىنداعى 4,2 ملن تەڭگەسىن قاعىپ كەتكەن.
ال پەتروپاۆلدىڭ 37 جاستاعى تۇرعىنى ءتىپتى سورلاپ قالعان. الاياقتار ونىڭ 6,5 ملن تەڭگەسىن قاقشىپ كەتكەن. پوليتسيا جۇرتتىڭ بارىنە جىبەرىلگەن SMS-كودتى قايتالاپ جىبەرمەڭىزدەر دەپ قاتتى ەسكەرتۋدە.
پەتروپاۆل
