كامبودجادا X عاسىرداعى بەلگىسىز عيباداتحانانىڭ ورنى تابىلدى

استانا. 22 ماۋسىم. كامبودجانىڭ چام پروۆينتسياسىندا ءبىزدىڭ داۋىرگە دەيىنگى ونىنشى عاسىرداعى عيباداتحانانىڭ ورنى مەن قۇندى جادىگەرلەر تابىلدى. بۇل تۋرالى Phnom Penh Post گازەتىنە سىلتەمە جاساعان «قازاقپارات» حابارلادى. مال باعىپ جۇرگەن باقتاشى بالالار انگكورسك كەزەڭىندەگى عىلىمدا بەلگىسىز بولىپ كەلگەن ەجەلگى يندۋيستىك عيباداتحانانىڭ ورنىن تاپتى. دالىرەك ايتساق, سيىر تابىنىن جايىلىمعا ايداپ كەلە جاتقان اۋىل بالالارى پروۆينتسيالىق استانا ماڭىنداعى شاعىن تومپەشىك جانىنان ەجەلگى ءمۇسىن سىنىقتارى مەن كەسىلگەن تاس پليتالاردى كەزىكتىرگەن. ال اۋىل تۇرعىندارى بۇل جادىگەرلەر جايىندا پوليتسياعا, مادەنيەت, ونەر دەپارتامەنتىنە شۇعىل حابارلاعان. كامپونگ چام پروۆينتسياسى مادەنيەت جانە ونەر دەپاتامەنتىنىڭ ديرەكتورى سوك تحوۋك: «بۇل تومپەشىك باياعىدان بەلگىلى. بىراق بۇل جەردە ەجەلگى عيباداتحانا بار دەپ كىم ويلاعان. تاياۋ ۋاقىتتا اۋقىمدى ارحەلولوگيالىق ەكسپەديتسيا جاساقتاۋ تۋرالى ماسەلەنى العا قويۋدى جوسپارلاۋدامىز», – دەپ مالىمدەمە جاسادى. تالعات رايىمبەك. دەرەك, سۋرەت: «قازاقپارات».