فوتو: gov.kz
راسىمگە وبلىس اكىمى اسحات شاحاروۆ, قر پرەزيدەنتىنىڭ كەڭەسشىسى مالىك وتارباەۆ, پرەزيدەنت اكىمشىلىگىنىڭ وكىلدەرى, پارلامەنت دەپۋتاتتارى, ءتۇرلى وڭىرلەردەن كەلگەن دەلەگاتسيالار, باتىردىڭ تۋىستارى مەن قالا تۇرعىندارى قاتىستى.
جيىن ءاليانىڭ جارقىن بەينەسىن ءبىر مينۋت ۇنسىزدىكپەن ەسكە الۋدان باستالدى. قر پرەزيدەنتىنىڭ كەڭەسشىسى مالىك وتارباەۆ مەملەكەت باسشىسى قاسىم-جومارت توقاەۆتىڭ قۇتتىقتاۋىن جەتكىزىپ, ءاليا ەرلىگى ەلدىك پەن وتانسۇيگىشتىكتىڭ ماڭگىلىك سيمۆولى ەكەنىن اتاپ ءوتتى.
«بۇگىن ءبىز كەڭەس وداعىنىڭ باتىرى, قازاق حالقىنىڭ داڭقتى قىزى ءاليا مولداعۇلوۆانىڭ تۋعانىنا 100 جىل تولۋىن اتاپ وتۋدەمىز. ونىڭ ەرلىگى مەن جانقيارلىعى تالاي ۇرپاققا ۇلگى. بۇل اتاۋلى كۇن - تەك اقتوبە ءوڭىرى ءۇشىن عانا ەمەس, تۇتاس ەلىمىز ءۇشىن تاريحي ماڭىزدى كەزەڭ. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسىمەن, مەرەيتوي رەسپۋبليكالىق دەڭگەيدەگى اتاۋلى كۇندەر تىزىمىنە ەنگىزىلدى. بۇل ونىڭ ەرلىگىنىڭ مەملەكەتتىك ماڭىزىن كورسەتەدى.
ءاليانىڭ باتىرلىعى - وتكەن كۇننىڭ عانا ەمەس, بۇگىنگى ۇرپاقتى تاربيەلەۋدىڭ ايقىن ۇلگىسى. بۇكىل ەل كولەمىندە, سونىڭ ىشىندە اقتوبە وبلىسىندا, وتان ءۇشىن جانىن پيدا ەتكەن ەرلەردىڭ ەسىمىن ۇلىقتاۋعا باعىتتالعان كەڭ اۋقىمدى شارالار جۇزەگە اسىرىلىپ جاتىر. بۇل تاريحتى كەيىنگى بۋىنعا جەتكىزۋ - ءبىزدىڭ پەرزەنتتىك پارىزىمىز. جاستاردىڭ بويىندا ەلگە دەگەن ماقتانىش پەن ەرلىك رۋحىن ءسىڭىرۋ - بۇگىنگى مىندەتىمىز», دەدى مالىك وتارباەۆ.
قۇتتىقتاۋ سوزدەن سوڭ, مونۋمەنت-ەسكەرتكىشكە گۇل شوقتارى قويىلدى. سونداي-اق, بۇل شارادا ء«اليا گ ۇلى دوستارىن قارسى الادى» اتتى حالىقارالىق بالالار مەن جاسوسپىرىمدەر شىعارماشىلىعى فەستيۆالىنە قاتىسۋشىلار دا بوي كورسەتتى.
ەسكە سالايىق, 2005 جىلى تۇرعىزىلعان ءاليا مولداعۇلوۆا ەسكەرتكىشىنىڭ بيىكتىگى 3,8 مەتر. قولا ءمۇسىننىڭ اۆتورى, ءمۇسىنشى - باقىتجان ابىشەۆ, ال بارەلەفتىڭ اۆتورى - ەسكەن سەرعاباەۆ.
الينا قايراتقىزى, ەۇۋ ستۋدەنتى
