فوتو: اشىق دەرەككوز
نۇرلان جاقىپوۆتىڭ ايتۋىنشا, 2021–2024 جىلدار ارالىعىندا قوردىڭ نەگىزگى قارجىلىق كورسەتكىشتەرى مىناداي دەڭگەيدە وسكەن:
- تابىس – ورتا ەسەپپەن جىل سايىن 12%-عا ارتتى;
- EBITDA – 7%-عا ءوستى;
- تازا پايدا – 13%-عا ۇلعايدى.
«الەم بويىنشا ەكونوميكالىق تۇراقسىزدىق جاعدايىندا مۇناي باعاسىنىڭ ارزانداۋىنا قاراماستان, 2024 جىلدىڭ قورىتىندىسى بويىنشا قور توبىنىڭ تازا پايداسى 2,4 ترلن تەڭگە بولدى. بۇل 2023 جىلعى كورسەتكىشتەن 39%-عا جوعارى», دەدى جاقىپوۆ.
سونداي-اق, 2021 جىلدان باستاپ اكتيۆتەردىڭ ورتاشا جىلدىق ءوسىمى 11%-دى قۇراپ, 2024 جىلدىڭ سوڭىندا قوردىڭ جالپى اكتيۆتەرى 41 ترلن تەڭگەگە جەتكەن.
جاقىپوۆتىڭ ايتۋىنشا, بۇل جەتىستىكتەر ستراتەگيالىق باسقارۋدىڭ ءتيىمدى جۇزەگە اسىرىلىپ جاتقانىن, قارجىلىق ءتارتىپتىڭ ساقتالعانىن جانە ينۆەستيتسيالىق جوبالاردىڭ ءبىرىزدى ورىندالعانىن دالەلدەيدى.
