وڭىرلىك بيۋرو باسشىسىن قابىلدادى

ءماجىلىس توراعاسى قابيبوللا جاقىپوۆ ددۇ ەۋروپا وڭىرلىك بيۋروسىنىڭ ديرەكتورى جۋجاننا ياكابتى قابىلدادى, دەپ حابارلادى وسى پالاتانىڭ ءباسپاسوز قىزمەتى. قابيبوللا جاقىپوۆ العاشقى مەديتسينالىق كومەك كورسەتۋ بويىنشا ددۇ ەۋروپا بيۋروسى كەڭسەسىنىڭ الماتىدا اشىلۋى­مەن قۇتتىقتادى. سالتاناتتى شارا 11 اقپاندا وتكەن بولاتىن. تاراپتار بۇل قازاقستان مەن ورتالىق ازيا عانا ەمەس, ەۋروپا ءۇشىن دە ماڭىزدى وقيعا ەكەنىن اتاپ ءوتتى. ءماجىلىس توراعاسى قازاقستان پرەزيدەنتىنىڭ ماڭىزدى باعدار­لامالارىندا دەنساۋلىق ساق­تاۋ ماسەلەسىنە ايرىقشا باسىم­دىق بەرىلەتىنىن العا تارتا كە­لىپ, ەلباسى ساياساتىنىڭ الەم­دەگى ەكونوميكالىق جاعدايعا قارا­ماس­تان الەۋمەتتىك مىندەت­تە­مە­لەردى تولىق كولەمدە جۇزەگە اسى­رۋعا باعىتتالعانىن اتاپ ءوتتى. ءوز كەزەگىندە جۋجاننا ياكاب كەڭ­سەنىڭ قازاقستاندا اشىلۋى – نۇرسۇلتان نازارباەۆتىڭ عا­لامدىق جانە ايماقتىق دەڭ­گەيدەگى دەنساۋلىق ساقتاۋ ءما­سە­لەسىنە قاتىستى تەڭدەسسىز ءرولى­نىڭ ايقىن دالەلى ەكەنىن جەتكىزدى. وسى رەتتە مارتەبەلى مەيمان قازاقستان پرەزيدەنتىنىڭ الەۋمەتتىك سالانى ينۆەستيتسيالاۋ قاجەتتىلىگىنە قاتىستى كورەگەن شەشىمدەرىن ايتىپ, ءبىزدىڭ ەلىمىزدىڭ العا قويعان بارلىق ماقساتتارىنا جەتەتىندىگىنە سەنىم ءبىلدىردى. كەزدەسۋ بارىسىندا ءماجىلىس توراعاسى قازاقستاندا دەنساۋلىق ساقتاۋ جۇيەسىن جەتىلدىرۋگە, دەنساۋلىقتى نىعايتۋعا, ءدارى-دارمەك ساياساتىن دامىتۋعا باعىت­تالعان زاڭنامالىق جۇمىستار تۋرالى اڭگىمەلەدى. جۋجاننا ياكاب دەنساۋلىق ساقتاۋ جۇيەسىن جاڭعىرتۋ كور­سەتكىشتەرى بويىنشا جەتىس­تىكتەردى تىزبەلەي كەلىپ, ددۇ مەن قازاقستاننىڭ ءوزارا ءىس-قيمىلىنا جوعارى باعا بەردى.