اقىن بايانعالي ءالىمجانوۆتىڭ 3 تومدىق كىتابى شىقتى

الماتى. 22 ماۋسىم. قازاقستان رەسپۋبليكاسىنىڭ ەڭبەك سىڭىرگەن قايراتكەرى, كوپ قىرلى تالانت يەسى – سىنشى, جازۋشى, ايتىس اقىنى, دراماتۋرگ, كينورەجيسسەر بايانعالي ءالىمجانوۆ استاناداعى « فوليانت» باسپاسىنان 3 تومدىق شىعارمالار جيناعىن شىعاردى. بۇل تۋرالى egemen.kz حابارلادى. بەلگىلى ماناسشىنىڭ ەسىمى باۋىرلاس قىرعىز ەلىندە دە اسا تانىمال. ول سول ەلدەگى رەسپۋبليكالىق مالدىباەۆ اتىنداعى ادەبي سىيلىقتىڭ لاۋرەاتى. ۇلى – جاس تالانت نۇرلان ءالىمجان ەكەۋى بىرلەسىپ تىڭداۋشىسى سۇيسىنتەتىن بىرنەشە ءان دە جازدى. تاڭدامالى شىعارمالار جيناعىنىڭ ءبىرىنشى ءبولىمى – «شەكسىز عالام, مەن سەنىڭ ءبىر بولشەگىڭ...» دەپ اتالادى. مۇندا اقىننىڭ ءار جىلدار كەزەڭىندە جازعان ولەڭ-جىرلارى مەن پوەمالارى ەنگىزىلگەن. كىتاپتىڭ ەكىنشى – «تەاتر تەرەزەسىندەگى ساۋلە» بولىمىندە بايانعاليدىڭ دراماتۋرگيالىق شىعارمالارى جيناقتالعان, ال, ءۇشىنشى بولىمدە – «كۇلكىمەن كومكەرىلگەن وي» تاقىرىبىمەن جازۋشىنىڭ اڭگىمەلەرى مەن پوۆەستەرى توپتاستىرىلعان. ايتا كەتەيىك, ونەر يەسىنىڭ استانا قالاسىندا جەكەمەنشىك كينوستۋدياسى بار. سوڭعى كەزدە ونىڭ جەتەكشىلىگىمەن كەڭ كولەمدى دەرەكتى ءۇش فيلم ءتۇسىرلدى. تالعات ءسۇيىنباي. دەرەك, سۋرەت: egemen.kz.