جۇمىسپەن قامتۋدا بەلسەندى باعىت بار

«جۇمىسپەن قامتۋدىڭ جول كارتاسى-2020» باعدارلاماسىن ىسكە اسىرۋ شەڭبەرىندە 2011 جىلدان بەرى جۇمىسپەن قامتۋعا ىقپال ەتۋدىڭ بەلسەندى شارالارىنىڭ ارقاسىندا 461 مىڭ ادام ەڭبەككە تارتىلدى. بۇل جۇمىسسىزدىق دەڭگەيىنە وڭ اسەر ەتتى, 2014 جىلعى 3-توقساننىڭ قورىتىندىسى بويىنشا ول 5,0%-دى قۇراپ, 2010 جىلمەن سالىستىرعاندا 0,8 %-عا تومەندەدى. بۇل جونىندە كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن «2015 جىلى الەۋمەتتىك كەپىلدىكتەردى جانە جۇمىسپەن قامتۋ دەڭگەيىن ساقتاۋ تۋرالى» تاقىرىبىنداعى بريفينگتە دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا مالىمدەدى. ەلباسىنىڭ 11 اقپانداعى كەڭەي­تىلگەن وتىرىستا ۇكىمەتكە جۇك­تە­گەن ءۇش نەگىزگى تاپسىرماسى, ياع­ني, بىرىنشىدەن, ازاماتتاردى جۇمىسپەن قامتۋ, ەكىنشىدەن, ازا­ماتتاردىڭ تابىسىنىڭ دەڭگەيىن تومەندەتپەۋ, ۇشىنشىدەن, مەم­لەكەتتىڭ وزىنە العان الەۋمەتتىك مىندەتتەمەلەرىن ورىنداۋ ماسەلەسى ەكەندىگىن ايتا كەلە, مينيستر حالىقتى جۇمىسپەن قامتاماسىز ەتۋگە جانە جۇمىسسىزدىقتىڭ ءوسۋىن بولدىرماۋعا باعىتتالعان شارالاردى ۇيلەستىرۋ ءۇشىن ۇكىمەت بىرنەشە ءىس-ارەكەتتەر الگوريتمىن ازىرلەگەنىن حابارلادى. اتاپ ايتار بولساق, ول ءبىرىنشى كەزەكتە وندىرىستەردىڭ توقتاۋىنا جول بەرمەۋ جانە جۇمىسكەرلەردىڭ جۇمىستان بوساۋىن بولدىرماۋ. بۇل تۇستا تامارا دۇيسەنوۆا ءوڭىر اكىمدەرىمەن بىرلەسىپ, تۇ­راقتى نەگىزدە قالا قۇراۋشى جانە ءىرى كاسىپورىندارعا مونيتورينگ جۇرگىزىلەتىنىن كولدەنەڭ تارتتى. ونىڭ ايتۋىنشا, بۇل پروب­لە­مالىق ماسەلەلەرگە شۇعىل تۇردە دەن قويىپ, ولاردى شەشۋ شارالارىن قابىلداۋعا مۇمكىندىك بەرەدى. سونداي-اق, ول جىلدىڭ باسىندا 161 مىڭ ادام جۇمىس ىستەيتىن 114 كاسىپورىنعا مونيتورينگ ءجۇر­گىزىلگەندىگىن قوسا ايتتى. ال وسى جىلدىڭ اقپان ايىنىڭ باسىندا ۇكىمەت مۇشەلەرى وڭىرلەرگە بارىپ, ءىرى كومپانيالاردىڭ باسشىلارىمەن, كاسىپوداقتارمەن جانە وبلىستاردىڭ, الماتى جانە استانا قالالارىنىڭ اكىم­دەرى­مەن كەزدەسكەنىن ناقتىلادى. سول جۇمىس ساپارلارى اياسىن­دا جۇمىس بەرۋشىلەرمەن, كاسىپ­وداق­تارمەن جانە اكىمدەرمەن 102 مەموراندۋمعا قول قويىلدى, بۇل 259 مىڭ جۇمىس ورنىن ساقتاپ قالۋعا سەپتىگىن تيگىزەدى. بۇگىنگى تاڭدا بارلىعى شامامەن 19 مىڭداي مەموراندۋمعا قول قويىل­دى, دەدى مينيستر. جانە دە ەكىنشى ماسەلە, جۇمىس­سىزدارعا, ءوزىن ءوزى ناتيجەسىز جۇمىسپەن قامتىعاندارعا دا قاتىستى جۇمىسپەن قامتۋدىڭ بەلسەندى شارالارىن قابىلداۋ مىندەتتەرى تۇرعاندىعىن اتاپ ءوتتى. سونىمەن قاتار, ول مەملەكەت باسشىسىنىڭ تاپسىرماسى بويىنشا, قازىرگى كەزدەگى ەكونوميكا جاعدايلارىندا «جۇمىسپەن قام­تۋدىڭ جول كارتاسى-2020» باعدار­لاماسىن جانداندىرۋدى ەسكەرە وتىرىپ, بارلىق وڭىرلەر­دە حالىقتى جۇمىسپەن قامتۋ­دىڭ كەشەندى جوسپارلارى قا­بىل­داناتىنىن ايتتى. ال ءۇشىنشى – تارتىلاتىن جۇمىس كۇشىنىڭ قۇرىلىمىن وڭتايلاندىرۋ بويىنشا جۇمىس جۇرگىزىلەدى ەكەن. ەلميرا ماتىباەۆا, «ەگەمەن قازاقستان».