فوتو: قىرمىزى جۇماعاليقىزى
مينيسترلىكتىڭ حابارلاۋىنشا, جىل باسىنان بەرى جامبىل وبلىسىندا مەديتسينالىق ستاندارتتاردىڭ ورەسكەل بۇزىلۋىنا بايلانىستى ەكى ادام كوز جۇمعان. تەكسەرىس بارىسىندا جەكەمەنشىك مەديتسينالىق ۇيىمداردىڭ كەيبىرىندە شۇعىل كومەك كورسەتۋگە قاجەتتى ليتسەنزيالار مەن شارتتاردىڭ جوقتىعى, ءدارى-دارمەك ساقتاۋ تالاپتارىنىڭ بۇزىلعانى انىقتالعان.
«وڭىردە قوعامدىق مونيتورينگتىك توپتار قۇرىلدى. جۇرگىزىلگەن تەكسەرۋلەردەن كەيىن ولار مەديتسينالىق كومەك كورسەتۋ ستاندارتتارىن بۇزاتىن 133 ەمشارا كابينەتىن انىقتادى. جوسپاردان تىس تەكسەرۋلەردىڭ ناتيجەسىندە 14 ەمشارا كابينەتىنە جالپى سوماسى 2,1 ملن تەڭگەگە اكىمشىلىك ايىپپۇل سالىندى, 51 كابينەت ءوز ەركىمەن جۇمىسىن توقتاتتى, 68 مەكەمەدە تەكسەرۋلەر جالعاسۋدا», دەپ حابارلادى مفبك جامبىل وبلىسى بويىنشا دەپارتامەنتىندە.
وسىعان ۇقساس جۇمىس قازاقستاننىڭ باسقا وڭىرلەرىندە دە جۇرگىزىلەتىن بولادى.
