دارىندار مويىندالعان كۇن

دارىندى جاستاردى قولداۋ قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى قىزمەتىنىڭ باستى با­عىت­تارىنىڭ ءبىرى بولىپ كەلەدى. اتالعان قور كەشە ەلورداداعى «نازارباەۆ ورتالىعى» عيماراتىندا ءبىرىنشى رەت سول دارىندى جاستارعا قوردىڭ سىيلىعىن سالتاناتتى جاعدايدا تابىس ەتتى. عيماراتتىڭ كىرەبەرىسىندە ۇيىمداستىرىلعان شاراعا جاستار كوپ جينالىپتى. سونداي-اق, مۇندا پارلامەنت دەپۋتاتتارى, جەتەكشى جوعارى وقۋ ورىندارىنىڭ باسشىلارى, تانىمال عالىمدار, مادەنيەت جانە قوعام قايراتكەرلەرى دە كەلىپ قاتىستى. جالپى, 2008 جىلدان باس­­تاپ قور جىل سايىن مادەنيەت, ونەر جانە عىلىم سالاسىنداعى جاس دارىن­دارعا سىيلىقتار تاعايىنداپ كەلەدى. سونداعى ماقسات – ولاردىڭ قىزمەتىن ىنتالاندىرۋ جانە شىعارماشىلىق تابىستارىن شىڭداي ءتۇسۋ. رەسپۋبليكالىق دەڭگەيدە وتكى­زى­لەتىن بۇل كونكۋرسقا ەرەكشە زەرتتەۋلەر مەن ازىرلەمەلەر, شىعارماشىلىق جوبالار مەن باعدارلامالار ۇسى­نىلادى. التى جىلدىڭ ىشىندە قور­دىڭ 100-دەن استام لاۋرەاتى بول­عانىن ايتا كەتۋ كەرەك. نەگىزىنەن كون­­كۋرستىڭ وتكىزىلىپ تۇرۋى شى­عار­ماشىل جانە عىلىمي جاستار وكىل­دەرى­نىڭ كاسىبي تابىستارىن موي­ىن­داۋ­دىڭ ايقىن كورىنىسى دەسە دە بولادى. قور سىيلىعىن سالتاناتتى جاع­دايدا تابىس ەتۋ راسىمىندە قازاقستان رەسپۋبليكاسىنىڭ تۇڭعىش پرە­زيدەنتى – ەلباسى قورىنىڭ اتقارۋشى ديرەكتورى ساعىندىق نۇراحانوۆ ءوزىنىڭ قۇتتىقتاۋ سوزىندە بىلاي دەدى: «بۇل ناگرادا تانىمال قايراتكەرلەرگە وزدەرىنىڭ جوعارى مارتەبەسىن تاعى ءبىر دالەلدەۋدىڭ, ال دارىندى دەبيۋتانتتار ءۇشىن وزدەرىن كورسەتۋدىڭ تاماشا مۇمكىندىگى بولىپ تابىلادى». قوردىڭ جاڭا عيماراتى لاۋرەاتتارعا تۋعان ۇيىندەي بولارىنا سەنىم ءبىل­دىرگەن س.نۇراحانوۆ ءارى قاراي ءسوزىن بىلايشا ساباقتادى: «بۇل تابىس سىزدەردىڭ شىعارماشىلىقتارىڭىز بەن يدەيالارىڭىزدى مويىنداۋ ءجا­نە جاڭا بەلەستەرگە كوتەرىلۋگە ىنتا­لان­دىرۋ بولىپ تابىلادى. ءبىز ءسىز­دەردىڭ تالاپتارىڭىزدىڭ ەشقا­شان ءوش­پەيتىنىنە جانە كوپتەگەن جاس دارىن­دارعا شابىت بەرەتىنىنە سەنىمدىمىز». جالپى بەلگىلى بولعانى, 2014 جىل­­دان بەرى ەلىمىزدىڭ تۇكپىر-تۇك­پىرىنەن 73 جوبا ۇسىنىلىپتى. كەلىپ تۇسكەن بارلىق وتىنىمدەردى جەتەك­شى ساراپشىلار, قور جانىن­داعى جاس عالىمدار كەڭەسى مەن جاس شىعار­ماشىل جاستار كەڭەسىنىڭ مۇشە­لەرى بار كونكۋرستىق كوميسسيا قارا­عانى بەلگىلى بولىپ وتىر. سونداي ىرىكتەۋدىڭ ناتيجەسىندە 19 ەڭ دارىندى دەگەندەرى بەدەلدى ناگراداعا يە بولعانىن ايتا كەتۋ كەرەك. ولاردىڭ اراسىندا «استانا وپەرا» وپەرا ترۋپپاسىنىڭ ءسوليسى سالتانات احمەتوۆا دا بار. مۋزىكا ونەرى اتالىمى بويىنشا سىيلىققا يە بولعان سالتانات احمەتوۆا ساحنادا تۇرىپ جينالعان كوپشىلىككە قۇيقىلجىتىپ ءان سالىپ بەردى. بۇل رەتتە «استانا وپەرا» تەاترىنىڭ تاعى ءبىر ءانشىسى تاتيانا ۆيتسينسكايا وسى مۋزىكا ونەرىندە جەتكەن جەتىستىكتەرى ءۇشىن اتالعان اتالىمعا يە بولعاندىعىن دا ايتا كەتكەن ءجون. ول دا ساحنادا ءوز ونەرىن كوپشىلىككە پاش ەتتى. بۇدان كەيىن عىلىمدا جەتكەن جەتىستىكتەرى ءۇشىن ءال-فارابي اتىن­داعى قازۇۋ-ءدىڭ وقىتۋشىسى, حيميا عىلىمدارىنىڭ كانديداتى عاليا ير­مۇ­حامەتوۆا سىيلىققا يە بولدى. سول سياقتى ساكەن سەيفۋللين اتىن­داعى قازاق اگروتەحنيكالىق ۋنيۆەر­سيتەتىنىڭ وقىتۋشىسى, بيولوگيا عىلىمدارىنىڭ كانديداتى ۆاديم حاسانوۆ تا وسىنداي ماراپاتقا يە بولدى. سونداي-اق, ەلباسىنىڭ جاس­تىق شاعىن شەبەر سومداي بىلگەن «قا­زاق­فيلم» كينوستۋدياسىنىڭ بەل­گىلى اكتەرى نۇرلان ءالىمجانوۆ تا سىي­لىققا يەگەرلەردىڭ اراسىنان تابىلدى. قور­دىڭ سىيلىعىن سالتاناتتى تاپ­سىرۋ ءراسىمى ءداستۇر بويىنشا كلاس­سيكالىق جانە تانىمال مۋزىكالىق كونتسەرتپەن جالعاسىپ, كەلۋشىلەردى مەرەكەلىك كوڭىل-كۇيگە بولەدى. ءسوز سوڭىندا ايتارىمىز, قازاق­ستان رەسپۋبليكاسىنىڭ تۇڭعىش پرە­زيدەنتى – ەلباسى قورى سىيلىعىنىڭ جاس بۋىنعا زور مۇمكىندىكتەر اشىپ وتىرعان جانە كەمەل كەلەشەگىنە كىرپىش قالايتىن ەلوردادا ءوتۋى وتە ورىندى. ونىڭ ۇستىنە بۇل ءوز كاسىبي قىزمەتىندە جوعارى كورسەتكىشتەرگە قول جەتكىزىپ جۇرگەن جانە ەلىمىز دامۋىنا ۇلەس قوسىپ كەلە جاتقان جاستارعا ۇلكەن دەمەۋ. ولاي بولسا, وسىنداي سىيلىقتار كوپ بولا بەرسىن دەمەكپىز. اسقار تۇراپباي ۇلى, «ەگەمەن قازاقستان».