فوتو: الماتى وبلىسى ءدىن ىستەرى باسقارماسىنىنان
قۇقىق قورعاۋ ورگاندارى جۇرگىزگەن جەدەل-ىزدەستىرۋ شارالارى بارىسىندا ەر ادامنىڭ ءدىني ارازدىقتى قوزدىرۋعا باعىتتالعان ينتەرنەتتەگى جاريالانىمداردى تاراتقانى انىقتالدى. باسقارما مالىمەتىنشە, كۇدىكتى بۇرىن تەرروريستىك ارەكەت ءۇشىن سوتتالعان. الايدا جازاسىن وتەگەننەن كەيىن دە دەسترۋكتيۆتى سەنىمىنەن باس تارتپاي, زاڭسىز ارەكەتتەرىن جالعاستىرعان.
قازىر وعان قىلمىستىق كودەكستىڭ 174-بابى 1-بولىگى – «الەۋمەتتىك, ۇلتتىق, رۋلىق, ناسىلدىك, تاپتىق نەمەسە ءدىني ارازدىقتى قوزدىرۋ» بويىنشا سوتقا دەيىنگى تەرگەۋ باستالدى. بۇل باپ بويىنشا جەتى جىلعا دەيىن باس بوستاندىعىنان ايىرۋ جازاسى قاراستىرىلعان.
ءىس بويىنشا بارلىق قاجەتتى تەرگەۋ جانە جەدەل ءىس-شارالار جۇرگىزىلۋدە.
باسقارما ازاماتتاردى راديكاليزمنىڭ كەز كەلگەن كورىنىستەرىنە بەي-جاي قاراماۋعا جانە كۇماندى ءدىني مازمۇنداعى ماتەريالدار جايلى قۇزىرلى ورگاندارعا حابارلاۋعا شاقىرادى.
جانەل تولەۋبەكوۆا, ەۇۋ ستۋدەنتى
