فوتو: ۆيدەودان الىنعان سكرين
كۇدىكتىلەر كەيىننەن كاسىپكەرلىك نىساندارىن كۇشپەن باسىپ الىپ, سول جەرلەردە «قاۋىپسىزدىك» قىزمەتىن جۇزەگە اسىرعان. قىلمىستىق توپتىڭ 20 مۇشەسى الماتى قالاسىندا, جەتىسۋ, تۇركىستان, ماڭعىستاۋ, جامبىل جانە الماتى وبلىستارىندا قولعا تۇسكەن.
ىسكە قاتىستى 40-تان استام ءتىنتۋ جۇرگىزىلىپ, جەتى اتىس قارۋى ماكاروۆ تاپانشاسى, كالاشنيكوۆ اۆتوماتى جانە 100-دەن استام وق-ءدارى تاركىلەنگەن.
ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس بۇزاقىلىق, بوپسالاۋ, ادام ۇرلاۋ, ءوز بەتىنشە بيلىك جۇرگىزۋ جانە دەنساۋلىققا زيان كەلتىرۋ فاكتىلەرى بويىنشا قىلمىستىق ىستەر تەرگەلىپ جاتقانىن مالىمدەدى.
«توپتىڭ جەتەكشىسى مەن قاتىسۋشىلارىنا قاتىستى ۇيىمداسقان قىلمىستىق توپ قۇرۋ, وعان باسشىلىق ەتۋ جانە قاتىسۋ دەرەكتەرى بويىنشا سوتقا دەيىنگى تەرگەۋ باستالدى. فيگۋرانتتاردىڭ باسقا دا ۇقساس قىلمىستارعا قاتىسى بار-جوعى تەكسەرىلىپ جاتىر», دەدى قۋاندىق الپىس.
