فوتو: سەناتتىڭ ءباسپاسوز قىزمەتى
بۇل قۇجات ەلىمىزدىڭ ەنەرگەتيكالىق قۋات كوزدەرى مەن ينجەنەرلىك ينفراقۇرىلىمىن جاڭعىرتۋعا باعىتتالعان. جالپى قۇنى 6 ترلن تەڭگەدەن اساتىن 29 جوبانى جۇزەگە اسىرۋ كوزدەلىپ وتىر. ولاردىڭ قاتارىندا قۋاتى 7,3 گۆت بولاتىن ەنەرگيا كوزدەرىن سالۋ مەن جاڭارتۋ, سونداي-اق 86 مىڭ شاقىرىم كوممۋنالدىق جەلىلەردى جاڭعىرتۋ بار. نەگىزگى ماقسات جەلىلەردىڭ توزۋ دەڭگەيىن 50%-دان تومەندەتۋ, جىلۋ, ەلەكتر, سۋ بەرۋ جانە سۋ بۇرۋ جۇيەلەرىنىڭ سەنىمدىلىگىن قامتاماسىز ەتۋ.
سەناتورلارعا الداعى جوبالاردى قارجىلاندىرۋدىڭ نەگىزگى تەتىكتەرى تانىستىرىلدى. جوبالاردى ىرىكتەۋ ۇدەرىسى ءۇش كەزەڭنەن تۇرادى: الدىمەن تەحنيكالىق ساراپتاما جۇرگىزىلەدى, كەيىن قارجىلاندىرۋ شارتتارىنىڭ الدىن الا ماقۇلدانۋى قارالادى, سوڭعى كەزەڭدە ينۆەستيتسيالىق باعدارلامالار بەكىتىلەدى. بارلىق ىسكە اسىرۋ ۇدەرىسى ينتەگراتسيالانعان تسيفرلىق پلاتفورمالار ارقىلى جۇرگىزىلەدى.
زاڭعا ەنگىزىلەتىن وزگەرىستەر وسى اۋقىمدى مىندەتتەردى ورىنداۋعا قۇقىقتىق نەگىز قالىپتاستىرىپ, وتاندىق ونەركاسىپتىڭ دامۋىنا سەرپىن بەرەدى. بۇل ءوز كەزەگىندە جۇمىسپەن قامتۋدى ارتتىرىپ, يمپورتقا تاۋەلدىلىكتى ازايتۋعا جانە ەكونوميكانىڭ وسۋىنە جاڭا قارقىن بەرۋگە ىقپال ەتەدى.
