فوتو: ەڭبەك جانە حالىقتى الەۋمەتتىك قورعاۋ مينيسترلىگى
ايتا كەتەلىك, مۇگەدەكتىك توبىن بەلگىلەۋ جونىندەگى قىزمەتتى الۋ ءۇشىن ءوتىنىش بەرۋشىگە تۇرعىلىقتى جەرى بويىنشا ەمحاناعا جۇگىنىپ, تەكسەرۋدەن ءوتۋ قاجەت, قالعان پروتسەستەر اقپاراتتىق جۇيەلەردى ينتەگراتسيالاۋ ەسەبىنەن ونىڭ قاتىسۋىنسىز وتە بەرەدى.
سىرتتاي كۋالاندىرۋعا كوشۋ ماڭىزدىلىعى: اكىمشىلىك جانە بيۋروكراتيالىق كەدەرگىلەردى جويادى, ءماس ساراپتامالىق شەشىمدەرىنىڭ اشىقتىعىن قامتاماسىز ەتەدى, مۇگەدەكتىگى بار ادامداردى الەۋمەتتىك قورعاۋ شارالارىن انىقتاۋ بويىنشا قىزمەتتەردى ۇيدەن شىقپاي-اق الۋعا مۇمكىندىك بەرەدى, كورسەتىلەتىن قىزمەتتى الۋشىنىڭ كورسەتىلەتىن قىزمەتتى بەرۋشىمەن تىكەلەي بايلانىسىن بولدىرمايدى, سول ارقىلى سىبايلاس جەمقورلىق تاۋەكەلدەرىن ازايتادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە 2025 جىلدىڭ باسىنىن باستاپ مۇگەدەكتىك توبىن بەلگىلەۋ ءۇشىن مەديتسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا پيلوتتىق جوبانى ىسكە اسىرۋ شەڭبەرىندە قازاقستاننىڭ بارلىق وڭىرلەرىنەن 43,7 مىڭ ءوتىنىم قارالعان. بۇگىندە سىرتتاي فورماتتا كۋالاندىرۋ 30 نوزولوگيالىق نىسان بويىنشا جۇرگىزىلەدى.
ال, 2024 جىلى 96,9 مىڭنان استام ءوتىنىم سىرتتاي فورماتتا قارالدى, بۇل كۋالاندىرۋدان وتكەن مۇگەدەكتىگى بار ادامداردىڭ جالپى سانىنىڭ 37,4%-ىن قۇرايدى ەكەن.
