پرەزيدەنتتىڭ تاپسىرمالارى شەڭبەرىندە ۇكىمەت ىشكى ىستەر مينيسترلىگى ارقىلى كامەلەتكە تولماعانداردى قورعاۋ جونىندەگى شارالار كەشەنىن جۇيەلى نەگىزدە ىسكە اسىرادى. جۇمىس مەكتەپتەردەگى قۇقىق بۇزۋشىلىقتاردىڭ الدىن الۋدان باستاپ, وتباسىنداعى زورلىق-زومبىلىق جاعدايلارىنا جانە تسيفرلىق كەڭىستىكتەگى قاۋىپتەرگە جاۋاپ بەرۋگە دەيىنگى كوپتەگەن باعىتتاردى قامتيدى.
«زاڭ جانە ءتارتىپ» قاعيداتىن ىسكە اسىرۋ شەڭبەرىندە جىل باسىنان بەرى ء«جاسوسپىرىم», «تۇنگى قالاداعى بالالار», «نازار اۋدارىڭىز – بالالار!» جانە تاعى باسقا كەڭ اۋقىمدى پروفيلاكتيكالىق اكتسيالار تۇراقتى تۇردە وتكىزىلىپ كەلەدى. ء«جاسوسپىرىم» جەدەل الدىن الۋ ءىس-شاراسىنىڭ ءبىرىنشى كەزەڭى 10 ساۋىردەن 6 مامىرعا دەيىن, ەكىنشىسى – 19-31 مامىر ارالىعىندا ءوتتى. وسى كەزەڭدە بالالاردىڭ تۇندە ەرەسەكتەردىڭ قاراۋىنسىز, اسىرەسە ويىن-ساۋىق ورىندارىندا بولۋىن باقىلاۋعا ەرەكشە نازار اۋدارىلادى.
جازعى دەمالىس كەزىندە بالالاردىڭ جول-كولىك جاراقاتتارىنىڭ الدىن الۋ ماسەلەلەرىنە ەرەكشە ءمان بەرىلەدى. 20-26 مامىر ارالىعىندا «نازار اۋدارىڭىز – بالالار!» ونىڭ بارىسىندا تاسىمالداۋ باعىتتارى تەكسەرىلىپ, جولداردىڭ قاۋىپتى ۋچاسكەلەرى تالدانىپ, ءبىلىم بەرۋ ورگاندارىمەن كەڭەستەر وتكىزىلدى. بۇدان باسقا, بالالاردى اۆتوبۋستارمەن تاسىمالداۋ تالاپتارىنىڭ ساقتالۋىن تەكسەرۋ ۇيىمداستىرىلدى, جەرگىلىكتى اۆاريالىق وشاقتار ورىندارىنا تالداۋ جۇرگىزىلدى, بالالاردىڭ جازعى دەمالىس نىساندارىنىڭ ماڭىنداعى كوشە-جول جەلىلەرى زەرتتەلدى, سونداي-اق ءبىلىم بەرۋ ورگاندارىمەن نۇسقاۋلىق كەڭەستەر وتكىزىلدى.
سونداي-اق بالالارعا قاتىستى قىلمىستارعا قارسى ءىس-قيمىل بولىگىندە پوليتسيانىڭ جۇمىسى كۇشەيتىلدى. 2024 جىلدان باستاپ انىقتاۋ تاسىلىنە باسا نازار اۋدارىلدى, وقۋ ورىندارىندا پروفيلاكتيكا كۇشەيتىلدى, بۇل جاسوسپىرىمدەر اراسىندا بوپسالاۋ فاكتىلەرىن كوبىرەك انىقتاۋعا مۇمكىندىك بەردى. جىل باسىنان بەرى بۋللينگتىڭ 145, ال اكىمشىلىك جاۋاپكەرشىلىك ەنگىزىلگەننەن بەرى 327 دەرەك تىركەلدى. بۋللينگتىڭ الدىن الۋ وقۋ-اعارتۋ مينيسترلىگىمەن ۇيلەستىرىلىپ, قۇقىقتىق, پسيحولوگيالىق جانە الەۋمەتتىك كومەك شارالارىن قامتيدى.
بالالار تاربيەلەنەتىن وتباسىلارعا بارعان كەزدە, سونداي-اق زورلىق-زومبىلىق تۋرالى سيگنالدار تۇسكەن كەزدە پوليتسياعا دەن قويۋدىڭ ارنايى الگوريتمى ەنگىزىلدى. بۇكىل ەل بويىنشا پروكۋرورلاردىڭ, پەداگوگتاردىڭ, پوليتسيا جانە الەۋمەتتىك قىزمەتتەردىڭ قاتىسۋىمەن اكىمدىكتەر جانىنان ۆەدومستۆوارالىق موبيلدىك توپتار جۇمىس ىستەيدى.
جىل باسىنان بەرى 16 جاسقا دەيىنگى بالالاردى قوعامدىق كولىكتەن كۇشتەپ ءتۇسىرۋدىڭ 59 جاعدايى تىركەلدى. ولاردىڭ بارلىعى توقتاتىلدى. ءىىم بۇل نورما زاڭنامالىق دەڭگەيدە رەتتەلەتىنىن جانە ونى بۇزۋ جاۋاپكەرشىلىككە تارتىلاتىنىن ەسكە سالادى.
قازاقستانداعى بارلىق مەكتەپتەرگە جۇيەلى پروفيلاكتيكالىق جۇمىس جۇرگىزەتىن 7,5 مىڭنان استام پوليتسيا قىزمەتكەرى بەكىتىلگەن. تەك وسى جىلى قۇقىق قورعاۋ ورگاندارىنىڭ ماماندارى اتا-انالارمەن كەزدەسۋلەردى قوسا العاندا, 52 مىڭنان استام قۇقىقتىق ءدارىس وتكىزدى, وندا بالا تاربيەسى سالاسىنداعى قۇقىقتار مەن مىندەتتەر تۇسىندىرىلەدى.
كيبەرقاۋىپسىزدىك سياقتى باعىت تا دامىپ كەلەدى. ءىىم كيبەرقىلمىسقا قارسى ءىس-قيمىل دەپارتامەنتى تاۋلىك بويى ينتەرنەتتەگى زاڭعا قايشى كونتەنتتەنتتەرگە مونيتورينگ جۇرگىزەدى. اعىمداعى جىلى 58 مىڭنان استام قاۋىپتى رەسۋرستار انىقتالدى, ولاردىڭ 21 مىڭنان استامى «كيبەرنادزور» جۇيەسى ارقىلى بۇعاتتالدى.
