اسسامبلەيا كافەدراسىنىڭ ءرولى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ەلىمىزدە ەتنوسارالىق تاتۋلىق پەن كەلىسىمدى نىعايتۋداعى ەتنوساياساتتى ناسيحاتتاۋعا ارنالعان قازاقستان حالقى اسسامبلەياسى كافەدرالارى قاۋىمداستىعىنىڭ ەكىنشى وتىرىسى ءوتتى. قازاقستان حالقى اسسامبلەياسى جىلى اياسىندا ۇيىمداستىرىلعان بۇل باسقوسۋدا ەلىمىزدەگى ەتنوس­ارالىق ىنتىماق پەن بىرلىكتىڭ ەل دامۋىنا قوسىپ كەلە جاتقان ۇلەسى اتالىپ, جاڭادان اشىلعان كافەدرالاردىڭ جۇمىسى, ولاردىڭ وقۋ باعدارلامالارى تالقىلاندى. وتىرىسقا جەتەكشىلىك ەتكەن قازاق­ستان حالقى اسسامبلەياسى توراعا­سىنىڭ ورىنباسارى, ەۋرا­زيا ۇلتتىق ۋنيۆەرسيتەتىندەگى قحا كافە­دراسىنىڭ مەڭگەرۋشىسى اناتولي باشماكوۆتىڭ اتاپ وتۋىنشە, 2013 جىلدان باستاپ اسسام­بلەيا ەلىمىزدىڭ جەتەكشى جو­عارى وقۋ ورىندارىندا ادىستەمەلىك الاڭدار قۇرۋ بويىنشا بەلسەندى جۇمىس جۇرگىزىپ كەلەدى. بۇگىندە اسسام­بلەيانىڭ ەلىمىزدەگى ۋنيۆەر­سيتەتتەرى جانىنان ون ءبىر كافەدراسى اشىلىپتى. وسى ۋنيۆەرسيتەتتەگى يۋنەسكو كافەدراسىنىڭ مەڭگەرۋشى عادىل­بەك شالاحمەتوۆتىڭ ايتۋىنشا, جەتەكشى وقۋ ورىندارىنىڭ بازا­سىندا اشىلىپ, جۇمىس ىستەپ جاتقان قازاقستان حالقى اسسام­ب­لەياسى كافەدرالارىنىڭ ­ستۋ­دەنت جاستار اراسىندا تولە­رانت­تى­لىقتى قالىپتاستىرۋدا الاتىن ورنى ەرەكشە. بەيبىتشىلىك جانە كەلىسىم ورتالىقتارىنىڭ, عىلىمي-زەرتتەۋ ينستيتۋتتارىنىڭ قۇرىلۋى ەلىمىزدە ەتنوسارالىق جانە كونفەسسياارالىق كەلىسىم­گە ەرەكشە ماڭىز بەرىلىپ وتىر­عا­نىن كورسەتەدى. «قازاق حالقى­نىڭ عاسىرلار بويى بويىنا ءسىڭىر­گەن قاسيەتتەرىنىڭ ءبىرى – ادام­گەر­شى­لىك, – دەدى كەلەسى كەزەكتە ءسوز العان پرەزيدەنت جانىن­داعى مەم­­لەكەتتىك باسقارۋ اكادە­ميا­سى ەتنوس­ارالىق جانە كونفەس­سيا­ارا­لىق قاتىناستاردى زەرتتەۋ ورتالى­عىنىڭ جەتەكشىسى ايگۇل ءسادۋا­قاسوۆا. – سول اسىل قاسيەت­تەرىمىزدى قازىردەن باستاپ جاستارى­مىزدىڭ بويىنا دارىتىپ, قالىپ­تاستىرا بىلسەك, سوندا ءبىزدىڭ ەڭبە­گىمىزدىڭ جانعانى بولىپ تابىلادى». وتىرىستا, سونداي-اق, قر پرە­زيدەنتى جانىنداعى «قوعام­دىق كەلىسىم» رەسپۋبليكالىق مەملەكەتتىك مەكەمەسىنىڭ قىزمەتى دە تانىستىرىلدى. وسى مەكەمەنىڭ عىلىمي-ساراپتاۋ جانە ادىستەمەلىك قامتاماسىز ەتۋ قىزمەتىنىڭ جەتەك­شىسى نۇربەك شاياحمەتوۆتىڭ حاباردار ەتكەنىندەي, «قوعامدىق كەلىسىم» مەكەمەسى پرەزيدەنتتىڭ 2014 جىلعى 17 ماۋسىمداعى جار­­لى­عى بويىنشا قۇرىلعان. بارلىق وب­لىس­تا مەكەمەنىڭ ءوڭىر­لىك قۇرى­­لىم­دارى جۇمىس ىستەيدى. «قوعام­دىق كەلىسىم» كوممەرتسيا­لىق ەمەس ۇيىم بولىپ تابىلادى. ول قازاق­ستان حالقى اسسامبلەياسىنىڭ قىز­مەت فۋنكتسياسىن جۇزەگە اسىرۋدى قامتاماسىز ەتۋ ءۇشىن قۇرىلىپ وتىر. ال قحا كافەدرالارى قاۋىم­­داستىعىنىڭ ەرەجەسى جونىندە ەۋرازيا ۇلتتىق ۋنيۆەرسيتەتىنىڭ قحا كافەدراسى مەڭگەرۋشىسىنىڭ ورىنباسارى ماحاببات قوزىباەۆا ايتىپ بەردى. ونىڭ ايتۋىنشا, كافەدرالار قاۋىمداستىعى ءوز قىز­مەتىن ەكى باعىت – عىلىمي-ءادىس­­­تەمەلىك جانە عىلىمي-زەرت­­تەۋ جۇمىستارى بويىنشا جۇزەگە ­اسىر­­ماق. عىلىمي-ادىستە­مەلىك جۇ­­مىس­­تارعا اسسام­بلەيا كافەدرالارى­­نىڭ وقۋ ۇدەرىستەرى­نىڭ ۇيلەس­تىرۋ جانە ونىڭ ساپا­سىنا باقىلاۋ ­جا­ساۋ, وقۋ باعدار­لامالارىن ءازىر­لەۋ­گە قاتىستى ۇسىنىستار ەنگىزۋ, ال عىلىمي-زەرتتەۋ جۇمىستارى­نا وتاندىق جانە شەتەلدىك قور­لار­دىڭ گرانتتارىن الۋ مۇمكىندىك­تە­رىن ىزدەستىرۋ, عىلىمي جوبالاردى جۇزەگە اسىرۋعا ىقپال ەتۋ, تاعى باسقا دا ماسەلەلەر كىرەدى. وتىرىس قورىتىندىسىندا  قحا كافەدراسى قاۋىمداستىعى تۋرالى ەرەجە بەكىتىلدى, سونداي-اق, قحا كافەدراسى قاۋىمداستىعى كەڭەسىنىڭ قۇرامى سايلاندى. ءاليسۇلتان قۇلانباي, «ەگەمەن قازاقستان». استانا.