ءتىل – تاتۋلىق تىرەگى

وسىلاي اتالعان بايقاۋ مەملەكەتتىك ءتىلدىڭ وزگە ەتنوستار­ اراسىندا قولدانىلۋ اياسىن كەڭەيتۋ ماقساتىن دىتتەپ, ­وبلىس ورتالىعىنداعى «دوستىق ۇيىندە» ۇيىمداستىرىلدى. 17 ۇمىتكەر قاتىسقان سايىس قازاقستان حالقى اسسامبلەياسىنىڭ 20 جىلدىعىنا ارنالدى. ولارعا «ءتىل – تاتۋلىق تىرەگى» تاقىرىبىندا بەينەروليك ازىرلەۋ, مەملەكەتتىك ءتىلدى قانشالىقتى دارەجەدە مەڭگەرگەنىن ايعاقتايتىن ەسسە جازۋ جانە ارنايى بيلەتتەر بويىنشا دايىندالعان سۇراقتارعا جاۋاپ بەرۋ تالاپتارى قويىلدى. – بايقاۋ مەملەكەتتىك ءتىلدىڭ مارتەبەسىن كوتەرۋگە, قازاقستاندىق ءپاتريوتيزمدى ناسيحاتتاۋعا, وزگە ۇلت وكىلدەرىنىڭ قازاق ءتىلىن وقىپ-ۇيرەنۋگە دەگەن ىنتا-ىقىلاسىن ارتتىرۋعا باعىتتالعان, – دەگەن ەدى سايىس الدىنداعى سۇحباتىندا «قوعامدىق كەلىسىم» كوممۋنالدىق مەملەكەتتىك مەكەمەسىنىڭ ديرەكتورى دينا ءابىلماجىنوۆا. سايىسكەرلەر «ءا» دەگەننەن-اق وزدەرىنىڭ جارىسقا تىڭعىلىقتى دايىندالىپ كەلگەندەرىن بايقاتتى. قاي-قايسىسى بولسىن ءوزىن جانە وتباسىن, جۇمىس ورنى مەن تۇرعى­لىقتى جەرىن قازاق تىلىندە جاتىق تانىستىردى. دەسەك تە, ءبىرىنشى سىندا جامبىل اۋدانىنان كەلگەن ەكاتەرينا قاليجانوۆانىڭ وزىق شىققانى بايقالىپ تۇردى. مەكتەپتە ءىس قاعازدارى مامانى بولىپ جۇمىس ىستەيتىن ول قازاق ءتىلىن جاستايىنان ءبىلىپ ءوسىپتى. قازاق وتباسىنا كەلىن بولىپ تۇسكەننەن كەيىن ۇلتتىق سالت-داستۇرلەردى ءبىر كىسىدەي مەڭگەرىپ العانعا ۇقسايدى. ودان ع.مۇسىرەپوۆ اۋدانىنىڭ اتىنان سىنعا تۇسكەن ۇلتى ازە­ر­بايجان ايگۇل ۋاليەۆا دا قالىسا قويماعان ءتارىزدى. ونىڭ مەملەكەتتىك تىلدەگى ءبىلىم وشاعىندا ەڭبەك ەتۋى قازاق ءتىلىن ەركىن بىلۋىنە كوپ سەپتىگىن تيگىزگەن سىڭايلى. ەسسە جازۋ, سۇراق-جاۋاپ تاپسىرمالارى دا مۇلتىكسىز ورىندالىپ, قازىلار القاسىنا جەڭىمپازدار مەن جۇلدەگەرلەردى انىقتاۋ وڭايعا تۇسكەن جوق. سايىس قورىتىندىسى سارالانا كەلە, پەتروپاۆلدىق ۆيكتوريا گوۆورۋحينا باس جۇلدەنى تالاسسىز جەڭىپ الدى. ولاي بولاتىن رەتى بار. ول م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن ءبىتىرىپ, قازاق ءتىلى مەن ادەبيەتى ءپانى مۇعالىمى ماماندىعىن الىپ شىققان. ءبىرىنشى, ەكىنشى ورىنداردى وبلىس ورتالىعىنىڭ نامىسىن قورعاعان ۋليانا گابريكوۆا مەن نيكولاي تيحنەنكو يەلەندى. ءۇشىنشى ورىندى ايىرتاۋلىق نا­دەجدا باتەنوۆا مەن ع.مۇسىرەپوۆ اۋدانىنىڭ وكىلى ايگۇل ۋاليەۆا ءبولىستى. جەڭىمپازدار ارنايى ديپ­لومدارمەن, باعالى سىيلىقتارمەن ماراپاتتالدى. – جاقىندا ەلباسىمىز قازاق­ستان حالقى اسسامبلەياسى جىلى­نىڭ باستالۋىن جاريالاپ, ونىڭ مارە الۋى ءبىزدىڭ وبلىستا دا كەڭى­نەن­ اتاپ ءوتىلدى. جەرگىلىكتى اسسامب­­لەيا قۇرامىنداعى 23 ەتنوبىر­لەستىك مەرەيلى شارالارعا بەلسەن­دىلىكپەن اتسالىسىپ كەلەدى. ءبىز تاۋەل­سىزدىگىمىزدى, ىنتىماق-كەلىسى­مىمىزدى نىعايتۋعا ارنالعان قۇندى­لىق­تا­رىمىزدى قاشاندا بيىك قاستەر­لەي­مىز, – دەدى سويلەسكەنىمىزدە جارىس­تىڭ باس جەڭىمپازى ۆ. گوۆورۋحينا. ول ەندى استانادا وتەتىن كون­كۋرستا ءوڭىرىمىزدىڭ نامىسىن قورعايتىن بولادى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتى تۇسىرگەن تالعات تانىباەۆ.