ىنتىماقتاستىق كورىنىسى

مەملەكەت باسشىسى ن.نازار­باەۆتىڭ جارلىعىمەن 2015 جىل قازاقستان حالقى اسسامبلەياسىنىڭ جىلى دەپ بەلگىلەنگەن بولاتىن. تاۋەلسىز قازاق جەرىندە 140-قا جۋىق وزگە ۇلت وكىلدەرى تۇراقتىلىق پەن بەيبىتشىلىكتى ساقتاپ, تاتۋ-ءتاتتى ءومىر سۇرۋدە. بيىل ەلىمىزدى مەكەن ەتەتىن ءتۇرلى ۇلت وكىلدەرىن ءبىر ارناعا ۇيىستىرىپ وتىرعان تەڭدەسى جوق ينستيتۋت – قازاقستان حالقى اسسامبلەياسىنىڭ 20 جىلدىق مەرەيتويى.

تسەلينوگراد اۋدانىندا «قا­زاق­ستان حالقى اسسامبلەياسى جىلى­نىڭ باستاۋ الۋى» اتتى اكتسيا ءوتتى. شاراعا اۋدان باسشىسى مال­عاج­دار تاتكەەۆ, اۋداندىق قحا-نىڭ ءتور­اعاسى ماگومەد سۋكالوۆ, جەر­گى­لىك­تى ءماسليحات دەپۋتاتتارى, ءبولىم باسشىلارى مەن باق وكىل­دەرى قاتىستى. مەرەيتوي كىشىگىرىم كورىنىسپەن اشىلدى. قيلى زاماندا شاشىراي ءار جەرگە قونىس تەپكەن ۇلت وكىلدەرىنىڭ بەينەسىن سۋرەتتەگەن ءار ەتنوس وكىلدەرى بىرتە-بىرتە جيىلىپ, دوستىق سيمۆولىنداي قاۋىشىپ, اق انانىڭ باتاسىن الىپ, اينالانى ءان-جىرعا بولەدى. مالعاجدار تاتكەەۆ رەسپۋب­ليكامىزدا 130-دان استام ۇلت پەن ۇلىس بولسا, ءبىزدىڭ اۋدانىمىزدا دا 30-دان اسا ەتنوس قونىس تەۋىپ, شارۋاشىلىق پەن ءوندىرىس سالالارىندا ەڭبەك ەتىپ جاتىر. تسەلينوگراد اۋدانى جىلدان-جىلعا كوركەيىپ, گۇلدەنىپ, كەمەلدەنىپ كەلەدى. بيىل قازاق ەلى ماڭىزى زور  4  بىردەي  مەرەيتويدى اتاپ وتكە­لى وتىر. سونىڭ ءبىرى – قازاق­ستان حالقى اسسامبلەياسىنىڭ 20 جىلدىعى. ءبىزدىڭ مەملەكەتىمىزدىڭ باستى جەتىستىگى ەلىمىز حالقىنىڭ ۇلتارالىق جانە كونفەسسياارالىق كەلىسىمى, ءوزارا تۇسىنىستىگى مەن سىيلاستىعى بولىپ تابىلادى. قازاق ەلىندە شوعىرلانعان ۇلتتار اراسىنداعى  بىرلىكتىڭ ورناۋى ەلباسى ن.نازارباەۆتىڭ ساليقالى ساياساتىنىڭ ارقاسى, دەدى اكىم. ال قحا-نىڭ توراعاسى مو­گامەد سۋكالوۆ بارلىق جينالعان قاۋىمدى بۇگىنگى ايتۋلى شارا­مەن قۇتتىقتادى. «قازاق ەلى كوپ ۇلتتىڭ باسىن قوسقان, كيەلى مەكەن. مەملەكەت باسشىسى ن.نازار­باەۆتىڭ كورەگەن ساياساتى ارقاسىن­دا بارلىعىمىز بەرەكە مەن بەيبىت ءومىر كەشۋدەمىز. ءبىز وسى جۇرە­گىمىزدىڭ تورىنەن ورىن العان  تاتۋ, ىنتىماقشىل قاسيەتىمىزدى ماڭگى ساقتاۋىمىز قاجەت», دەدى  ول. شارا سوڭى ۇلكەن كونتسەرتكە ۇلاستى. ءار ۇلتتىڭ ۇلتتىق بيلەرى ورىندالىپ, اندەرىنەن شاشۋ شاشىلدى. جاستار اراسىندا فلەش-موب وتكىزىلدى. دانا الدانقىزى. اقمولا وبلىسى.