عالام عاجاپتارى • 29 مامىر, 2025

وزگەشە وسيەت

20 رەت
كورسەتىلدى
1 مين
وقۋ ءۇشىن

1926 جىلى كانادا مەملەكەتىندە بۇرىن-سوڭدى بولماعان ەرەكشە باي­قاۋ ءوتتى. تورونتو قالاسىنىڭ اۋقات­تى زاڭگەرى چارلز ۆەنس ميللار دۇنيە­دەن وتەر شاعىندا وسيەت جازىپ قالدىرعان ەدى. ماڭىزدى قۇجاتتا «500 000 دوللار مۇرامدى ون جىل ىشىندە ەڭ كوپ بالانى دۇنيەگە اكەلگەن اناعا تابىس ەتەمىن» دەلىنگەن.

وزگەشە وسيەت

مۇنداي كۇتپەگەن شارتتى ەستىگەن جۇرت العاشىندا ابدىراپ قالعانىمەن, ۋاقىت وتە كەلە بايقاۋعا ءبىراز وتباسى شىنداپ كىرىستى. ونجىلدىق باسەكەگە ون ءبىر وتباسى قاتىسىپ, سولاردىڭ تورتەۋى جەڭىمپاز اتاندى. ويتكەنى ولار – ون جىل ىشىندە توعىز بالانى دۇنيەگە اكەلگەن. وسىلايشا, ءتورت وتباسى قوماقتى جۇلدەنى تەڭدەي ءبولىسىپ الدى.

 

سوڭعى جاڭالىقتار