قازاقستان پرەزيدەنتى مەملەكەتتىك ناگرادالار تابىس ەتتى

استانا. 6 مامىر. بۇگىن ەلباسى بىرقاتار تۇلعاعا مەملەكەتتىك ناگرادالار تاپسىردى. نۇرسۇلتان نازارباەۆ ماراپاتتاۋ راسىمىنە قاتىسۋشىلاردى وتان قورعاۋشىلار كۇنىمەن جانە ۇلى وتان سوعىسىنداعى جەڭىستىڭ 70 جىلدىعىمەن قۇتتىقتادى. بۇل تۋرالى akorda.kz حابارلادى. قازاقستان پرەزيدەنتى ماراپاتقا ۇسىنىلعانداردىڭ ءبارى دە ەرەن ەڭبەگىمەن, قالتقىسىز قىزمەتىمەن ەرەكشەلەنگەن جاندار ەكەنىن اتاپ ءوتتى. «بيىل ۇلى وتان سوعىسى مەن تىل ارداگەرلەرىنە تاۋەلسىز ەلدىڭ ءتول ناگرادالارى تاپسىرىلادى. بۇگىنگى ۇرپاق ۇلى جەڭىستى الىپ بەرگەن اعا بۋىن الدىندا ارقاشان قارىزدار. مەملەكەت باسشىسى رەتىندە مەن بۇكىل ەل اتىنان سىزدەرگە مىڭ العىس ايتامىن, ارداقتى ارداگەرلەر,, – دەدى مەملەكەت باسشىسى. نۇرسۇلتان نازارباەۆ ەر-ازاماتقا تۋعان وتاندى, قاستەرلى تاۋەلسىزدىكتى قورعاپ, ەل تىنىشتىعىن كۇزەتۋدەن اسقان مارتەبە جوق ەكەنىن ايتتى. «سىزدەر سول ابىرويلى بورىشتى ادال اتقاردىڭىزدار جانە اتقارىپ كەلەسىزدەر. سىزدەر سوعىستان كەيىن دە ەلگە قىزمەت ەتۋدى جالعاستىرىپ, بەيبىت كۇندە دە باتىرلىققا ورىن بار ەكەنىن قاپىسىز دالەلدەي بىلدىڭىزدەر. قوعامدا تۇراقتىلىق پەن ءتارتىپتىڭ ساقتالۋى دا مىنا سىزدەردىڭ ەڭبەكتەرىڭىزگە تىكەلەي بايلانىستى», – دەدى قازاقستان پرەزيدەنتى. مەملەكەت باسشىسىنىڭ ايتۋىنشا, ەلدىڭ ومىرىندە وتان قورعاۋشى ەردىڭ ورنى قاشاندا ەرەكشە. «ۇلتتىق اسكەر – ەگەمەن ەلدىڭ قۇرىش قالقانى. ونىڭ باستى مىندەتى – ۇلت پەن ۇلىستىڭ قاۋىپسىزدىگىن قامتاماسىز ەتۋ. بۇگىندە شەكارامىزدىڭ قاۋىپسىزدىگى مەن حالقىمىزدىڭ اماندىعىن سەنىمدى ساربازدار كۇزەتىپ تۇر. ولار اتا-بابالاردىڭ ەرلىك ءداستۇرىن لايىقتى جالعاستىرىپ, اعا بۋىن اماناتىنا ادال بولادى دەپ سەنەمىن. ەلگە قورعان بولۋ ءۇشىن ەر-ازاماتقا قاجىماس قايرات, اسقاق رۋح قاجەت ەكەنى انىق. سىزدەردىڭ بويلارىڭىزدان سونىڭ ءبارى تابىلادى», – دەدى نۇرسۇلتان نازارباەۆ. قازاقستان پرەزيدەنتى مەملەكەتتىك ناگرادالار تاپسىرۋ ءراسىمى ەكى بىردەي ماڭىزدى مەرەكەنىڭ قارساڭىندا ءوتىپ وتىرعانىنا نازار اۋداردى. «بۇگىن راسىمگە ەلدىڭ بوستاندىعى مەن بەيبىت ءومىرىن قورعاپ قالعان ارداگەرلەر قاتىسىپ وتىر. ءبىز سىزدەرگە «بارىس» جانە «قۇرمەت» وردەندەرىن تاپسىرامىز. بۇل – بۇگىنگى ۇرپاق سىزدەرگە ۇسىنا الاتىن سىي-قۇرمەتتىڭ تيتتەي ءبىر بولشەگى عانا. بۇكىل ەل, بۇكىل الەم فاشيزمنەن قورعاپ قالعاندارىڭىز ءۇشىن سىزدەرگە بورىشتار. ارداگەرلەردى ماراپاتتاۋ ۇزىلمەس ۇرپاق ساباقتاستىعىن ايعاقتايدى. سىزدەردىڭ مايدان دالاسى مەن بەيبىت ومىردەگى ەرلىكتەرىڭىز ءاردايىم باتىرلىق پەن پاتريوتيزم ۇلگىسى بولىپ قالا بەرمەك. ۇلى جەڭىسكە قول جەتكىزگەندەردىڭ بارلىعى ءۇشىن ەڭ ۇزدىك ماراپات – تاۋەلسىز قازاقستان, وركەندەۋ ۇستىندەگى ەلىمىز, ازاماتتارىمىزدىڭ باقۋات ءومىرى. بۇل سىزدەردىڭ ەرلىكتەرىڭىزدىڭ بەكەر كەتپەگەنىن دالەلدەيدى. بۇگىندە سىزدەردىڭ ىستەرىڭىزدى قازاقستاندىقتاردىڭ جاڭا ۇرپاعى تابىستى جالعاستىرۋدا. ەل ولاردىڭ دا ەڭبەگىن باعالايدىي, – دەدى نۇرسۇلتان نازارباەۆ. قازاقستان پرەزيدەنتى بۇگىن وردەندەر مەن مەدالدار تاپسىرىلاتىنداردىڭ قاتارىندا ءتۇرلى سالالار مەن ۇيىمداردىڭ وكىلدەرى بار ەكەنىن اتاپ ءوتتى. «بارشاڭىزدى بەيبىت ءارى باقۋاتتى قازاقستاندى دامىتۋعا قوسقان زور ۇلەس بىرىكتىرەدى. قازىر, بەيبىت ۋاقىتتا سىزدەر تاۋەلسىزدىكتى كۇزەتەسىزدەر, ەل شەكاراسىن, تۇراقتىلىقتى, تىنىشتىق پەن رەسپۋبليكامىزداعى زاڭدىلىقتىڭ ساقتالۋىن قورعايسىزدار. سىزدەردىڭ ومىرلەرىڭىز تۇتاستاي وتانعا قىزمەت ەتۋگە ارنالعان. مەن سىزدەرگە ناگرادالاردى ريزاشىلىقپەن تاپسىرامىن», – دەدى مەملەكەت باسشىسى. نۇرسۇلتان نازارباەۆ راسىمگە قاتىسۋشىلاردى تاعى دا قۇتتىقتاپ, ولارعا زور دەنساۋلىق پەن تابىس تىلەدى. ماراپاتتالعان ارداگەرلەر مەملەكەت باسشىسىنا قامقورلىعى, سونداي-اق, ەلىمىزدەگى تاتۋلىق پەن تىنىشتىقتى قامتاماسىز ەتىپ وتىرعانى ءۇشىن العىس ايتتى. ءراسىم بارىسىندا ءىىى دارەجەلى «بارىس» وردەنىمەن سوعىس ارداگەرى س.جيەنباەۆ (الماتى قالاسى), سوعىس جانە ەڭبەك ارداگەرى س.يساەۆ (الماتى وبلىسى); «قۇرمەت» وردەنىمەن سوعىس ارداگەرى م.ابدراحمانوۆ (ورال قالاسى), سوعىس ارداگەرى ز.ادىلبەكوۆ (الماتى قالاسى), سوعىس ارداگەرى ق.امرەنوۆ (پاۆلودار قالاسى), سوعىس ارداگەرى ق.بەكەنوۆ (استانا قالاسى), سوعىس ارداگەرى ب.بوقاەۆ (ماڭعىستاۋ وبلىسى), ۆ.بولوتين (قاراعاندى وبلىسى), سوعىس ارداگەرى ك.برەزگوۆين (قوستاناي وبلىسى), ەڭبەك ارداگەرى ا.داۋىلباەۆ (سولتۇستىك قازاقستان وبلىسى), سوعىس ارداگەرى م.دوموۆەتس (شىعىس قازاقستان وبلىسى), سوعىس ارداگەرى ا.ەلۋباەۆ (اتىراۋ وبلىسى), سوعىس ارداگەرى و.جالماعامبەت (اقتوبە قالاسى), سوعىس ارداگەرى ش.جانىبەكوۆ (الماتى قالاسى), سوعىس ارداگەرى س.جارىقباسوۆ (الماتى وبلىسى), سوعىس ارداگەرى ر.جيتكوۆسكايا (الماتى قالاسى), سوعىس ارداگەرى ي.قاليەۆ (قىزىلوردا قالاسى), سوعىس ارداگەرى ي.قۇربانوۆ (جامبىل وبلىسى), سوعىس ارداگەرى م.پولتاراتسكايا (استانا قالاسى), سوعىس ارداگەرى ج.رامازانوۆ (كوكشەتاۋ قالاسى), سوعىس ارداگەرى س.شامەنوۆ (وڭتۇستىك قازاقستان وبلىسى) ماراپاتتالدى. سونىمەن قاتار, II دارەجەلى «داڭق» وردەنىمەن قازاقستان رەسپۋبليكاسى قارۋلى كۇشتەرى باس شتابى باستىعىنىڭ ءبىرىنشى ورىنباسارى ر.ءالىموۆ, استانا قالاسىنىڭ پروكۋرورى س.بەكبوسىنوۆ, قوستاناي وبلىسى ىشكى ىستەر دەپارتامەنتىنىڭ باستىعى ت.ماتكەنوۆ, قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى ق.ورازقۇلوۆ, قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اپپاراتىنىڭ باسشىسى ا.شايىموۆا; ءىى دارەجەلى «ايبىن» وردەنىمەن قازاقستان رەسپۋبليكاسى باس پروكۋراتۋراسىنىڭ دەپارتامەنت باستىعى ر.دوسىمبەكوۆا, قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ 1-اۆياتسيالىق بازاسىنىڭ ۇشۋ دايىندىعى كومانديرىنىڭ ورىنباسارى م.كاۋشەنوۆ, قازاقستان رەسپۋبليكاسى قورعانىس مينيسترلىگى №44803 اسكەري ءبولىمىنىڭ كومانديرى ن.قاباقوۆ, قازاقستان رەسپۋبليكاسى قارۋلى كۇشتەرى قۇرلىق اسكەرلەرى باس قولباسشىسى باسقارماسى باس شتابى باستىعىنىڭ ورىنباسارى – جەدەل باس باسقارمانىڭ باستىعى ا.ستەپانەنكو; ءىىى دارەجەلى «ايبىن» وردەنىمەن قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ سەرجانتى – اۋە قورعانىسى كۇشتەرى باس قولباسشىسى باسقارماسىنىڭ ءبولىم باستىعى س.شوراحانوۆ; «ەرلىگى ءۇشىن» مەدالىمەن قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتى جاعالاۋ كۇزەتى وڭىرلىك باسقارماسى «ساقشى» شەكارا كەمەسىنىڭ كومانديرى ە.كاليشەۆ, قازاقستان رەسپۋبليكاسى ىشكى ىستەر مينيسترلىگىنىڭ قاراعاندى وبلىسى ىشكى ىستەر دەپارتامەنتىنىڭ ينسپەكتورى ە.سادىقبەكوۆ, قازاقستان رەسپۋبليكاسى قورعانىس مينيسترلىگى №28079 اسكەري ءبولىمى ارنايى ماقساتتاعى دەسانتتىق-شابۋىلداۋشى روتاسىنىڭ اعا راديوتەلەفونشىسى س.سارمىرزاەۆ, قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنىڭ سولتۇستىك قازاقستان وبلىسى توتەنشە جاعدايلار دەپارتامەنتىنىڭ اعا ينجەنەرى س.سەيفۋللين; «جاۋىنگەرلىك ەرلىگى ءۇشىن» مەدالىمەن قازاقستان رەسپۋبليكاسى مەملەكەتتىك كۇزەت قىزمەتى وبەكتىلەردى قورعاۋ قىزمەتى №0112 اسكەري ءبولىمى قۇرمەت قاراۋىلى روتاسىنىڭ كومانديرى ا.ەلامانوۆ, قازاقستان رەسپۋبليكاسى قورعانىس مينيسترلىگى №62064 اسكەري ءبولىمىنىڭ كومانديرى ش.جارىلقاسىنوۆ, قازاقستان رەسپۋبليكاسى ۇلتتىق قاۋىپسىزدىك كوميتەتى «ارىستان» قىزمەتى باستىعىنىڭ ورىنباسارى د.جۇمابەكوۆ, قازاقستان رەسپۋبليكاسى ۇلتتىق ۇلانى «باتىس» وڭىرلىك قولباسشىلىعىنىڭ وفيتسەرى س.قابدىقۇلوۆ, قازاقستان رەسپۋبليكاسى قورعانىس مينيسترلىگى №29011 اسكەري ءبولىمى شتاب باستىعىنىڭ ورىنباسارى د.قايروشەۆ ماراپاتتالدى. ەلامان قوڭىر. دەرەك, سۋرەت: akorda.kz.