فوتو: اشىق دەرەككوز
شەكتەۋ ەلىمىزدىڭ وڭتۇستىك جانە باتىس وڭىرلەرىندە 1 ماۋسىمنان 31 تامىزعا دەيىن, ال سولتۇستىك جانە شىعىس وڭىرلەرىندە 1 ماۋسىمنان 15 تامىزعا دەيىن +25°C جوعارى اۋا تەمپەراتۋراسى كەزىندە, كۇندىزگى ۋاقىتتا ەنگىزىلەدى.
1 ماۋسىمنان 31 تامىزعا دەيىن ساعات 10:00-22:00 ارالىعىندا كەلەسى ايماقتاردا قوزعالىسقا شەكتەۋ قويىلادى:
- الماتى وبلىسى;
- اتىراۋ وبلىسى;
- جامبىل وبلىسى;
- جەتىسۋ وبلىسى;
- ۇلىتاۋ وبلىسى;
- قاراعاندى وبلىسى;
- قىزىلوردا وبلىسى;
- تۇركىستان وبلىسى;
- ماڭعىستاۋ وبلىسى.
سونىمەن قاتار 1 ماۋسىمنان 15 تامىزعا دەيىن ساعات 11:00-21:00 ارالىعىندا كەلەسى ايماقتاردا قوزعالىسقا شەكتەۋ قويىلادى:
- اباي وبلىسى;
- اقمولا وبلىسى;
- اقتوبە وبلىسى;
- شىعىس قازاقستان وبلىسى;
- باتىس قازاقستان وبلىسى;
- قاراعاندى وبلىسى;
- قوستاناي وبلىسى;
- پاۆلودار وبلىسى;
- سولتۇستىك قازاقستان وبلىسى.
«قازاۆتوجول» ۇلتتىق كومپانياسىنىڭ حابارلاۋىنشا, جوعارى تەمپەراتۋرادا اسفالت جامىلعىسى جۇمسارىپ, اۋىر جۇكتەمەگە توتەپ بەرە المايدى.
«بۇل جول جابىنىنىڭ بۇزىلۋىنا, ويىقتار مەن اقاۋلاردىڭ پايدا بولۋىنا الىپ كەلەدى. جازعى شەكتەۋلەردى ساقتاۋ جولداردىڭ قىزمەت ەتۋ مەرزىمىن ۇزارتادى, جوندەۋ شىعىندارىن ازايتادى جانە جول قوزعالىسى قاۋىپسىزدىگىن قامتاماسىز ەتەدى», دەلىنگەن حابارلامادا.
