پەتروپاۆل. 6 مامىر. ايماق باسشىسى ەرىك سۇلتانوۆ ۇلى جەڭىستىڭ 70 جىلدىعى قۇرمەتىنە وراي استاناداعى شەرۋگە قاتىساتىن 14 سوعىس ارداگەرىمەن كەزدەسىپ, ساتتىلىك تىلەدى. بۇل تۋرالى سولتۇستىك قازاقستان وبلىسى اكىمدىگىنىڭ ءباسپاسوز قىزمەتى حابارلادى.
«ەلباسى كەشەگى مايدانگەرلەرگە زور قامقورلىق كورسەتىپ كەلەدى. ولاردى قولداۋ شارالارى وڭىردە دە جان-جاقتى قاراستىرىلعان. سىزدەردىڭ جانقيارلىق ەرلىكتەرىڭىز ەشقاشان ۇمىتىلمايدى, جاس ۇرپاققا اركەز ۇلگى, ونەگە», دەدى ەرىك حامزا ۇلى ارداگەرلەرگە جىلى تىلەكتەرمەن قايرىلىپ.
تايىنشا اۋدانىنان كەلگەن سوعىس ارداگەرى دميتري لاريونوۆقا قۇرمەت گراموتاسىن تابىس ەتتى.
سوعىس ارداگەرلەرىن اۋەجايدا تۋعان-تۋىستارى, ستۋدەنت-جاستار, ەتنومادەني بىرلەستىكتەردىڭ وكىلدەرى شىعارىپ سالدى.
ءومىر ەسقالي.
دەرەك, سۋرەت: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.
