اعىمداعى جىلدىڭ 1 تامىزى كۇنى ساعات 10:00-دە اقمولا وبلىسى بۋراباي اۋدانىندا «نۇر وتان» پارتياسى جانىنداعى «جاس وتان» جق-نىڭ قولداۋىمەن قازاق حاندىعىنىڭ 550 جىلدىعىنا ارنالعان 550 شاقىرىمدىق مارافون باستالدى. ءىس-شارانىڭ نەگىزگى ماقساتى – قازاقستاننىڭ ەل بولىپ قالىپتاسۋىنداعى تاريحي كەزەڭنىڭ ماڭىزدىلىعىن جاس ۇرپاقتىڭ ساناسىنا ءسىڭىرۋ جانە جاستار اراسىندا بۇقارالىق سپورتتى ناسيحاتتاۋ. مارافون ءۇش ءجۇزدىڭ باسىن قوسقان قازاق حانى ابىلايدىڭ رەسەي, قىتاي, بۇحارا حاندىقتارىنىڭ ەلشىلەرىن قابىلداۋىندا كورىنىس تاپقان اقمولا وبلىسى, بۋراباي اۋدانىنداعى ابىلاي حان الاڭىنان باستالىپ, اقمولا وبلىسى, استانا قالاسى جانە قاراعاندى وبلىسى ارقىلى ءوتىپ, ۇلىتاۋ جەرىندە مارەگە جەتەدى. ۇزاق قاشىقتىققا جۇگىرۋدى ەلگە تانىمال بالعاباي كۇلپەيىسوۆ پەن قاليبەك ءابىلوۆ باستادى. «جاس وتان» جق اقمولا وبلىستىق فيليالىنىڭ ءتورايىمى جانارگۇل ءجۇنىسوۆا: «بۇل شارالار قوعام باستاماسى بولىپ تابىلادى جانە وسى جىلى قازاقستاندىقتار اتاپ وتەتىن مەرەكەلەرگە ارنالادى. قازاق حاندىعى قۇرىلۋىنىڭ 550 جىلدىعى ءوز زامانىنىڭ باتىرلارىمەن بايلانىستى جانە قازىرگى جاستار ولار تۋرالى بىلۋلەرى ءتيىس», – دەدى.
«ەگەمەن-اقپارات».
