استانا. 21 ماۋسىم. اقپارات جانە بايلانىس قىزمەتكەرلەرىنىڭ كۇنى مەرەكەسىنە وراي «قازكونتەنت» اكتسيونەرلىك قوعامىنىڭ ۇيىمداستىرۋىمەن باق وكىلدەرىنىڭ اراسىندا اسىق اتۋدان جارىس ءوتتى. بۇل تۋرالى egemen.kz حابارلادى.
العاش رەت ۇيىمداستىرىلعان سايىسقا 8 كوماندا قاتىستى. ولاردىڭ اراسىندا «ورتالىق كوممۋنيكاتسيالار قىزمەتى» رم, «قازاقستان» ۇلتتىق تەلەارناسى, «ەگەمەن قازاقستان» جانە «كازاحستانسكايا پراۆدا» رەسپۋبليكالىق گازەتتەرى, باس رەداكتورلار كلۋبى, «قازاقپارات» حالىقارالىق اقپاراتتىق اگەنتتىگى, «استانا» تەلەارناسى, سونداي-اق, «قازكونتەنت» اكتسيونەرلىك قوعامى كوماندالارى بولدى.
سونىمەن, ەرلەر اسىق اتۋ ويىنىنان مەرگەندىكتەرىن سىناسا, قىزدار «بەس اسىق» (بەس تاس) ويىنى ارقىلى ەپتىلىكتەرىن كورسەتتى.
«حان شاتىر» ويىن-ساۋىق ورتالىعىندا وتكەن جارىستا اسىق اتۋدان ءبىرىنشى ورىندى «استانا» تەلەارناسى جەڭىپ الدى. ەكىنشى ورىنعا «ورتالىق كوممۋنيكاتسيالار قىزمەتى» جايعاسسا, ءۇشىنشى تۇعىرعا «ەگەمەن قازاقستان» كومانداسى كوتەرىلدى. ال «بەس اسىق» بويىنشا «قازاقپارات» اگەنتتىگىنىڭ ءجۋرناليسى سايا جارىلقاسىن 1-ورىنعا يە بولدى.
ايتا كەتەيىك, ۇيىمداستىرۋشىلار شارانى وتكىزۋدەگى ماقسات جاس بۋىن اراسىندا اسىق اتۋ ۇلتتىق ويىنىن ناسيحاتتاۋ, ۇلتتىق سپورتتى دامىتۋ جانە حالىقتى سالاۋاتتى ءومىر سالتىنا شاقىرۋ ەكەنىن ايتتى.
تالعات رايىمبەك.
دەرەك: egemen.kz.
سۋرەت: الماس ماناپ.
