قىزىلوردادا جىل باسىنان بەرى 2,7 ملرد. تەڭگەنىڭ جوباسى جاسالدى

قىزىلوردا. 3 تامىز. قىزىلوردادا كاسىپكەرلىككە قولداۋ كورسەتۋ ورتالىقتارىنىڭ كەڭەسشىلەرى كاسىپكەرلەرگە جىل باسىنان بەرى جالپى قۇنى 2,7 ميلليارد تەڭگەنى قۇرايتىن 126 بيزنەس جوبا ازىرلەپ بەردى. ونىڭ جالپى قۇنى 104 ميلليون تەڭگە بولاتىن 10 جوباسى قارجىلاندىرىلدى. بۇل تۋرالى egemen.kz ءتىلشىسى حابارلادى. كاسىپكەرلەر پالاتاسىنىڭ كەڭەسشىلەرىنە بيزنەس جوبا ازىرلەتكەندەردىڭ ءبىرى باۋىرجان تاڭاتار. ول قىزى ايدانا بولاتبەكوۆا ەكەۋى ءبىرىنشى «بيزنەس-كەڭەسشى», ودان كەيىن «بيزنەس ءوسۋ» جوباسى بويىنشا وقىپ شىقتى. وقىتۋ كۋرسىنا اكەلى-قىزدى كاسىپكەرلەر دايىن يدەيامەن كەلدى: ماقساتتارى جولاۋشىلار تاسىمالىن ۇيىمداستىرۋعا باعىتتالعان كاسىپ اشۋ. «بيزنەس-ءوسۋ» جوباسىندا باۋىرجان كاسىبىن جان-جاقتى زەرتتەپ, پايدا تابۋعا بولاتىنىنا كوز جەتكىزدى. ول بۇگىندە بيزنەسىن اشۋدىڭ ءبىرىنشى كەزەڭىنەن ءساتتى ءوتتى, ياعني جولاۋشىلار تاسىمالى ءۇشىن قاجەتتى قۇجاتتارىن ازىرلەپ, تاجىريبەلى جۇرگىزۋشىلەر الدى. ال كاسىپكەرلەر پالاتاسى بيزنەس جوباسىن ازىرلەپ بەردى. قازىر كاسىپكەردىڭ جوباسى قارجىلاندىرۋ ءۇشىن بانكتە قارالۋدا. ايتا كەتۋ كەرەك, وڭىردە جىل باسىنان بەرى كاسىپكەرلىكتى قولداۋ ورتالىقتارىنىڭ قىزمەتىن قولدانا وتىرىپ 94 ازامات كاسىپكەرلىك سۋبەكتىسى رەتىندە تىركەۋدەن ءوتىپ, ءوز كاسىبىن اشقان. ەرجان بايتىلەس. دەرەك: egemen.kz. سۋرەت: old.palata.kz.