فوتو: اشىق دەرەككوز
كانادالىق جازۋشى ستيۆەن مارشە «اۆتوردىڭ ءولىمى» اتتى تۋىندىسىن جازاردا جي-ءدىڭ كومەگىنە جۇگىنىپتى. بۇل 104 بەتتىك نوۆەللادا مارشە 95 % ءماتىندى ChatGPT, Cohere جانە Sudowrite كومەگىمەن جازىپتى. ءتىپتى كىتاپتىڭ مۇقاباسى مەن اننوتاتسيالارى دا جاساندى ينتەللەكتىنىڭ قولتاڭباسىن ساقتاپ تۇرعانى بەلگىلى.
ال جاپون جازۋشىسى كۋدان ريە «توكيو مۇناراسى» اتتى رومانىن جاريالاعان سوڭ, 170-ءشى كەزەكتى اكۋتاگاۆا سىيلىعىن جەڭىپ العان. اۆتور اتالعان رومانىنىڭ ديالوگتارىن جازۋ ءۇشىن ChatGPT-ءدى پايدالانىپ, شىعارما كولەمىنىڭ شامامەن 5 % بولىگى وسى قۇرالمەن جاسالعانىن جاريالادى.
تاعى ءبىر كانادالىق جازۋشى تيم بۋشە «AI Lore» سەرياسى اتاۋىمەن 2022–2023 جىلدارى ChatGPT مەن Anthropic’s Claude-ءتى قولدانا وتىرىپ, 97-گە جۋىق ميني-رومان جازعانىن بىلدىك. «AI Lore» سەرياسى قازىر Amazon-دا ساتىلىمدا ەكەن.
ال ChatGPT-مەن شىعارما جازعان قازاق قالامگەرلەرى بار ما, جوق ءپا, ءالى ونداي «جاڭالىقتى» ەستىمەدىك.
