سىر وڭىرىندە ءبىر كۇندە 35 ماس جۇرگىزۋشى ۇستالدى

قىزىلوردا. 3 تامىز. ايماقتا قوعامدىق ءتارتىپتى ساقتاۋ مەن جول قوزعالىسى قاۋىپسىزدىگىن قامتاماسىز ەتۋ, جول قوزعالىسى ەرەجەلەرىن ورەسكەل بۇزۋشىلىقتىڭ, اسىرەسە كولىك قۇرالىن ماساڭ كۇيدە باسقارۋ دەرەكتەرىن انىقتاۋ, جول-كولىك وقيعالارىنىڭ الدىن الۋ, جولىن كەسۋ ماقساتىندا «ماس جۇرگىزۋشى – قىلمىسكەر» جەدەل-پروفيلاكتيكالىق ءىس-شاراسى وتكىزىلدى. بۇل تۋرالى egemen.kz ءتىلشىسى حابارلادى. ءىس-شارا بارىسىندا قىزىلوردا وبلىسى ىشكى ىستەر دەپارتامەنتىنىڭ قىزمەتكەرلەرى جول قوزعالىسى ەرەجە تالاپتارىن بۇزۋدىڭ 2171 دەرەگىن انىقتادى. ونىڭ ىشىندە, كولىك جۇرگىزۋشىلەرىنىڭ بەلگىلەنگەن ءجۇرۋ جىلدامدىعىن ارتتىرۋ دەرەگى بويىنشا – 224, كولىك قۇرالىن ماساڭ كۇيدە باسقارۋ دەرەگى بويىنشا – 35 قۇقىق بۇزۋشىلىق تىركەلگەن. ورىن العان بارلىق قۇقىق بۇزۋشىلىقتار بويىنشا ءتيىستى اكىمشىلىك شارالار قولدانىلدى. ەرجان بايتىلەس. دەرەك: egemen.kz. سۋرەت: pdd-rk.kz.