فوتو: اشىق دەرەككوز
15-مامىر كۇنى گونكونگ بيلىگى COVID-19 ۆيرۋسىنىڭ جاڭا تولقىنى باستالعانىن مالىمدەدى. بۇل تۋرالى The independent سايتى اقپارات تاراتتى.
وسى ەلدىڭ دەنساۋلىق ساقتاۋ سالاسى وكىلدەرى جاريالاعان مالىمەتتەرگە سايكەس, ۆيرۋستىڭ تارالۋ دەڭگەيى ناۋرىز ايىنىڭ ورتاسىندا 1,7 پايىزدان 11, 4 پايىزعا وسكەن. 3 مامىرداعى جاعداي بويىنشا 81 ادام ۆيرۋس جۇقتىرىپ, 30-ى قايتىس بولعان.
سينگاپۋردە دە اي باسىنان بەرى 14 200 ادام اۋرۋ جۇقتىرىپ, اپتا ىشىندە كوۆيدقا شالدىققاندار سانى 28 پايىزعا ارتقان. دەنساۋلىق ساقتاۋ سالاسىنىڭ وكىلدەرى اۋرۋدىڭ كوبەيۋىن ۆيرۋستىڭ اسا اۋىر نەمەسە جۇقپالىلىعىنان ەمەس, حالىق يممۋنيتەتىنىڭ السىرەۋىمەن بايلانىستىرىپ وتىر.
ال قازاقستاندا جىل باسىنان بەرى COVID-19 329 ادامنان انىقتالعان. وسىعان سايكەس دەنساۋلىق ساقتاۋ مينيسترلىگى ۆيرۋستىڭ ەلىمىزدەگى تارالۋ جاعدايىن تۇراقتى دەپ باعالادى.
الينا قايراتقىزى,
ەۇۋ 2-كۋرس ستۋدەنتى
