بۇل دودادا ات قۇلاعىندا ويناعان جامبىلدىق جاستار اۋىز تولتىرىپ ايتارلىقتاي تابىسقا قول جەتكىزدى. اۋەلگى ويىندا تۇركىستان وبلىسىنىڭ تارلاندارىن 5:4 ەسەبىمەن جەڭگەن جامبىلدىق جامپوزدار كەيىننەن جەتىسۋ ءوڭىرىنىڭ كومانداسىن 9:2, الماتى وبلىسىنىڭ ساڭلاقتارىن 6:3 ەسەبىمەن جەڭدى.
فينالدىق كەزدەسۋدە جامبىل وبلىسىنىڭ كومانداسى شىمكەنتتىك قۇرداستارىمەن التىن جۇلدەنى ساراپقا سالدى. تارتىسقا تولى جاعدايدا وتكەن ويىننىڭ نەگىزگى ۋاقىتى 4:4 ەسەبىمەن تەڭ اياقتالدى. ال, قوسىمشا ۋاقىتتا جامبىلدىق شاباندوز ارنۇر ەسەن «التىن سالىم» سالىپ, كومانداسىنىڭ چەمپيون اتانۋىنا سۇبەلى ۇلەس قوستى. وسىلايشا 13 كوماندا, 160 سپورتشى قاتىسقان دودادا جامبىلدىق ۇجىمنىڭ مەرەيى ۇستەم بولدى.
جامبىل وبلىسى
