فوتو: Pixabay.com
ۆيتسە-ءمينيستردىڭ مالىمەتىنشە, بالالار ءتۋريزمىن قولداۋ ماقساتىندا مەملەكەت Kids Go Free باعدارلاماسىن ىسكە اسىرىپ كەلەدى. ونىڭ اياسىندا 5,6 مىڭنان استام بالا تەگىن اۋە ساپارىنا شىققان. بيىل بۇل جوبا ارقىلى تاعى 3 مىڭ بالا قامتىلادى دەپ جوسپارلانعان. سونىمەن قاتار, بالالارمەن بىرگە جۇرەتىن ەرەسەكتەردىڭ ءتىزىمىن كەڭەيتۋ جۇمىستارى جۇرگىزىلىپ جاتىر.
«مىسالى, استانا اكىمدىگى جىل سايىن ءار وڭىردەن جينالعان 1000-عا جۋىق بالانى قامتي وتىرىپ «استانا – وتانىمنىڭ ەلورداسى» الەۋمەتتىك جوباسىن ىسكە اسىرىپ كەلەدى. تۋر باعدارلاماسىنا تۇرۋ, تاماقتانۋ, اۋقىمدى مادەني-ويىن-ساۋىق باعدارلاماسىن ۇيىمداستىرۋ كىرەدى. تۋريستىك قوعامداستىقپەن بىرلەسىپ ارنايى تۋريستىك مارشرۋتتار ازىرلەندى. ول مادەنيەت, تاريح جانە داستۇرمەن تانىسۋعا, سونداي-اق وقۋشىلار مەن ستۋدەنتتەردىڭ وي-ءورىسىن كەڭەيتۋگە باعىتتالعان», دەدى ەرجان ەركىنباەۆ.
مينيسترلىك بۇل باستامالاردىڭ بالالاردىڭ وي-ءورىسىن كەڭەيتىپ, مادەني مۇرامەن, تاريحپەن جانە داستۇرمەن تانىسۋعا مۇمكىندىك بەرەتىنىن اتاپ ءوتتى.
