قىزىلوردادا 129 كاسىپكەردىڭ قۇقى قورعالدى

قىزىلوردا. 3 تامىز. وبلىستىق كاسىپكەرلەر پالاتاسى جانىنداعى كاسىپكەرلەردىڭ قۇقىعىن قورعاۋ كەڭەسى 129 كاسىپكەردىڭ قۇقىعىن قورعاپ قالدى. بۇل تۋرالى egemen.kz ءتىلشىسى حابارلادى. ماسەلەن, قىزىلوردا قالاسى اكىمىنىڭ 2004 جىلعى 26 شىلدەدەگى № 136 قاۋلىسىنا سايكەس قىزىلوردا قالاسىنىڭ «كوكجيدە» وڭىرىندە ورنالاسقان جەكە كاسىپكەرلىككە نەگىزدەلگەن شارۋا قوجالىعىن جۇرگىزۋ ءۇشىن, جالپى كولەمى – 64 گەكتار جەر ۋچاسكەسىنە 49 جىل مەرزىمگە ۋاقىتشا پايدالانۋ قۇقىعى تابىستالعان. الايدا, 2015 جىلدىڭ قاڭتار ايىندا جەكە كاسىپكەر ا.ماحانوۆقا ن.يبراەۆ ەسىمدى ازامات كەلىپ, وزىنە اتالعان جەر ۋچاسكەسىنە پايدالانۋ قۇقىعى تابىستالعاندىعى تۋرالى حابارلاپ, جەر ۋچاسكەسىن بوساتۋدى تالاپ ەتكەن. ماسەلەنى زەرتتەي كەلگەندە ا.ماحانوۆتان بولەك تاعى وسىنداي 128 كاسىپكەر جاپا شەگىپ جۇرگەنى انىقتالعان. كاسىپكەرلەر پالاتاسىنىڭ ارالاسۋىمەن ماسەلە وڭ شەشىمىن تاۋىپ, قىزىلوردا قالاسى اكىمدىگى قاۋلىسىنىڭ كۇشى جويىلدى. قازىرگى تاڭدا ا.ماحانوۆتىڭ جانە 128 كاسىپكەردىڭ جەر ۋچاسكەلەرى كەرى قايتارىلىپ, قۇقىقتارى قالپىنا كەلتىرىلدى. ەرجان بايتىلەس. دەرەك, سۋرەت: egemen.kz.