ءوڭىر جولدارىندا كەزەكشىلىك ەتەتىن نەگىزگى پاترۋلدىك اۆتوكولىكتەردەن بولەك, قوسىمشا بەكەتتەر قويىلدى.
پوليتسيا قىزمەتكەرلەرىنىڭ ايتۋىنشا, جول-كولىك وقيعالارى جيىلەپ كەتۋىنىڭ باستى سەبەبى – جۇرگىزۋشىلەر جول قوزعالىسى ەرەجەلەرىن ساقتاي بەرمەيدى. جول ءتارتىبىن بۇزعانداردىڭ ىشىندە جىلدامدىقتى اسىرعاندار نەمەسە جول ۇستىندە قاۋىپتى مانەۆر جاساعاندار كوپ كەزدەسەدى.
«قازىر وڭىردە «قاۋىپسىز جول» رەسپۋبليكالىق جەدەل-الدىن الۋ ءىس-شاراسى ءوتىپ جاتىر. باستى مىندەت – جول ەرەجەسىن ءجيى بۇزاتىنداردى انىقتاۋ. سونداي-اق, جۇرگىزۋشىلەرگە جول ءتارتىبىن ساقتاۋدىڭ ماڭىزدى ەكەنىن ءتۇسىندىرۋ. جول-كولىك وقيعالارىنىڭ سانىن ازايتىپ, ادام ءومىرىن ساقتاۋ. ءبىز بارلىق جول قوزعالىسىنا قاتىسۋشىلاردى جاۋاپكەرشىلىككە جانە ەرەجەلەردى ساقتاۋعا شاقىرامىز», دەيدى قوستاناي وبلىسى پد پاترۋلدىك پوليتسيا روتاسىنىڭ كومانديرى ەلدار سۇيىندىكوۆ.
قوستاناي وبلىسى
