ۇلىبريتانيادا مەملەكەتتىك تىلگە قاتىستى تالاپ كۇشەيتىلدى

استانا. 3 تامىز. ۇلىبريتانيادا مەملەكەتتىك قىزمەتكەرلەرگە اعىلشىن تىلىندە ەركىن سويلەۋگە مىندەتتەيتىن تالاپ قويىلاتىن بولدى. بۇل تۋرالى BBC حابارلادى. وسىعان وراي ۇلىبريتانيا ۇكىمەتى اعىلشىن ءتىلىن جەتىك بىلمەيتىن جانە حالىقپەن ەمىن-ەركىن سويلەسە المايتىن جاندار بيۋدجەتتىك مەكەمەلەرگە جۇمىسقا تۇرا المايتىنىن مالىمدەدى. بۇل تالاپ نەگىزىنەن حالىقپەن تىعىز بايلانىستا جۇمىس جاسايتىن ماماندارعا قويىلادى. سوعان بايلانىستى قىركۇيەك ايىنان باستاپ, دەنساۋلىق ساقتاۋ, جەرگىلىكتى باسقارۋ سىندى قۇرىلىمداردىڭ ماماندارى اعىلشىن تىلىنەن ءبىلىم دەڭگەيىن انىقتايتىن ەمتيحان تاپسىرادى. بۇل سىناق مەكتەپ باعدارلاماسىنداعى GCSE جۇيەسى بويىنشا جۇرگىزىلەدى. سونداي-اق, ءار مەكەمەنىڭ باسشىلارى قول استىنداعى قىزمەتكەرلەردىڭ حالىقپەن اعىلشىن تىلىندە ەركىن سويلەسە الاتىندىعىن تەكسەرۋگە مىندەتتى. ەلامان قوڭىر. دەرەك: BBC. سۋرەت: peopleandcountries.com.