اتىراۋدا بۇرىنعى لاۋازىمدى تۇلعالارعا قاتىستى ۇكىم وزگەرتىلدى

اتىراۋ. 3 تامىز. اتىراۋ وبلىستىق سوتىنىڭ كاسساتسيالىق سوت القاسى اتىراۋ وبلىسى اكىمدىگىنىڭ بۇرىنعى لاۋازىمدى تۇلعالارى ب.داۋكەنوۆكە, ا.ابدىروۆكە, ا.كەرىموۆكە, ب.جانتەمىروۆكە جانە باسقالارىنا قاتىستى وبلىس پروكۋرورىنىڭ كاسساتسيالىق نارازىلىعىنا, سوتتالۋشىلاردان, ولاردىڭ قورعاۋشىلارىنان جانە قىلمىستىق پروتسەسكە قاتىناسپاعانىمەن, ولاردىڭ قۇقىقتارى مەن مۇددەلەرى سوت ۇكىمىندە كورسەتىلگەن تۇلعالاردان تۇسكەن كاسساتسيالىق شاعىمدارىنا بايلانىستى سوت قاۋلىسىن شىعاردى. بۇل تۋرالى اتىراۋ وبلىستىق سوتىنىڭ ءباسپاسوز قىزمەتى حابارلادى. «كاسساتسيالىق سوت القاسىنىڭ قاۋلىسىمەن ءبىرىنشى جانە اپەللياتسيالىق ساتىداعى سوتتاردىڭ ۇكىمى مەن قاۋلىسى ءىشىنارا وزگەرتىلدى. اتاپ ايتقاندا, م ۇلىكتەردى مەملەكەت پايداسىنا قايتارۋ جونىندەگى بولىگىن وزگەرتىپ, 3 پاتەر, تۇرعىن ۇيلەرىمەن بىرگە 2 جەر تەلىمى جانە 3 جەر تەلىمى تىيىم سالىنۋدان بوساتىلدى. ءبىرىنشى ساتىداعى جانە اپەللياتسيالىق سوت القاسىنىڭ ۇكىمى مەن قاۋلىسىنىڭ قالعان بولىگى وزگەرىسسىز, سوتتالۋشىلار مەن ولاردىڭ قورعاۋشىلارىنىڭ كاسساتسيالىق شاعىمدارى –قاناعاتتاندىرۋسىز قالدىرىلىپ, پروكۋرور نارازىلىعى ءىشىنارا قاناعاتتاندىرىلدى», – دەلىنگەن وبلىستىق سوتتىڭ ءباسپاسوز قىزمەتى تاراتقان حابارلامادا. بۇعان دەيىن, ياعني, اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2014 جىلدىڭ 14 قاراشاسىنداعى ۇكىمىمەن سوتتالۋشىلار قازاقستان رەسپۋبليكاسى قىلمىستىق كودەكسىنىڭ ءارتۇرلى باپتارى بويىنشا (قىزمەت بابىن پايدالانىپ ۇيىمداستىرىلعان قىلمىستىق توپقا باسشىلىق جاساۋ, 42 ملرد تەڭگە بيۋدجەتتىك قارجىنى تالان-تاراجعا سالۋ, الاياقتىققا جول اشىپ, جالعان قۇجاتتار ازىرلەۋ جانە ت.ب.) كىنالى دەپ تانىلىپ, ءارتۇرلى مەرزىمگە باس بوستاندىقتارىنان ايىرۋ جازاسى تاعايىندالعان ەدى. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەت. سۋرەت: nur.kz.