قوستاناي قالاسى اكىمىنىڭ ورىنباسارى پارامەن ۇستالدى

قوستاناي. 3 تامىز. قوستاناي قالاسى اكىمىنىڭ ورىنباسارى ماقسۇت قاليەۆ پارا الىپ جاتقان جەرىنەن ۇستالدى. بۇل تۋرالى egemen.kz ءتىلشىسى حابارلادى. مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگى وبلىستىق دەپارتامەنتىنىڭ قىزمەتكەرلەرى قوستاناي قالاسى اكىمىنىڭ ورىنباسارى ماقسۇت قاليەۆتى «سىل» جاۋاپكەرشىلىگى شەكتەۋلى سەرىكتەستىگىنىڭ ديرەكتورى وۆنانيان گاگيكادان 13 ميلليون تەڭگە پارا الىپ جاتقان ساتىندە ۇستادى. الدىن الا بەلگىلى بولعان مالىمەتتەر بويىنشا, ماقسۇت قاليەۆ قالانىڭ سىرتىندا اەروپورت جاعىندا اۆتوكولىكتەرگە ارنالعان حالىققا قىزمەت كورسەتۋ ورتالىعىن سالىپ جاتقان «سىل» سەرىكتەستىگىنىڭ مۇددەسىن كوزدەگەن. وۆگانياننان العان پارا قۇرىلىستان «جىمقىرىلعان» قارجىنىڭ ءبىر بولىگى. ماماندار ەگەر بۇل ارەكەتتىڭ جولى كەسىلمەگەندە قۇرىلىس ءۇشىن بيۋدجەتتەن بولىنگەن ءبىر ميلليارد تەڭگەدەن اسا قارجىنىڭ جارتىسىنا جۋىعى جىمقىرىلۋى مۇمكىن ەكەنىن ايتۋدا. ءنازيرا جارىمبەتوۆا. دەرەك: egemen.kz. سۋرەت: tobolinfo.kz.