باس پروكۋراتۋرانىڭ دەرەگىنە قاراعاندا, 2023 جىلعى قىركۇيەك پەن قازان ايلارى ارالىعىندا اتالعان ادامدار سەمەي قالاسىنداعى كومپانيا كەڭسەسىندە كەزدەسۋلەر مەن سەمينارلار وتكىزگەن.
ولار جاڭا قاتىسۋشىلاردى تىركەۋمەن, كومپانيا جۇيەسىندە اككاۋنتتار جاساۋمەن جانە «WhatsApp» مەسسەندجەرى ارقىلى ۇگىت-ناسيحات ماتەريالدارىن تاراتۋمەن اينالىسقان. بۇل قىزمەت ازاماتتاردى ەلەكتروندى ۆاليۋتاعا ينۆەستيتسيا سالۋ جانە بونۋس الۋ ۋادەلەرىمەن جۇيەگە تارتۋعا باعىتتالعان.
- سوت ۇكىمىمەن كىنالىلەردىڭ بىرىنە 4 جىل, ەكىنشىسىنە 3 جىل باس بوستاندىعىن شەكتەۋ جازاسى تاعايىندالىپ, ەكەۋىنە دە 2 جىلعا قارجىلىق قىزمەتپەن اينالىسۋ قۇقىعىنان ايىرۋ جازاسى بەرىلدى. زالالدىڭ ءبىر بولىگى وتەلدى.
سوت بارىسىندا مەملەكەتتىك ايىپتاۋشى ايىپتالۋشىلاردىڭ كىناسىن تولىق دالەلدەدى, - دەلىنگەن اقپاراتتا.
